Kondisaun sala aula Eskola EBF suku Railaco Kraik. Imajen TATOLI/Natalino Costa

DILI, 23 novembru 2021 (TATOLI)–Diresaun Nasionál Dezenvolvimentu Parque Eskolár- Ministériu Edukasaun Juventude Desportu (DNDPE-MEJD) deside kansela planu konstrusaun pre-eskolár ida iha Aimerleu, postu Hatu-Udo, munisípiu Ainaro, tanba mosu problema hadau malu rai entre rai-na’in ho parte eskola.

Notísia Relevante: DNDPE-MEJD garante prosesu konstrusaun eskola no aula hahú tempu besik

Diretór DNDPE-MEJD, Hélio Lopes, hateten dezeñu no planta, kadernu enkargu (BoQ) ba eskola pre-eskolár ne’e preparadu ona inklui verifikasaun ne’ebé Ajénsia Nasionál Dezenvolvimentu.

Bainhira atu forma grupu komunitáriu hodi prepara prosesu loke Code Vendor mak mosu problema hadau malu rai entre rai-na’in ho parte eskola, ho nune’e DNDPE-MEJD lakohi foti risku hodi deside kansela konstrusaun ba eskola refere.

“Ita kansela prosesu konstrusaun ba eskola pre eskolár Aimerleu ne’e tanba lakohi foti risku hodi impede fali prosesu konstrusaun ba eskola sira seluk. Ita tenta rezolve duni maibé la hetan solusaun tanba kazu hadau malu rai ne’e envolve ona parte barak, tan ne’e ita laiha tempu atu muda fali ba eskola seluk. Ho nune’e, ita deside taka lai kazu ne’e hodi foku lai ba eskola sira seluk,” Hélio Lopez hateten ba jornalista sira iha nia servisu fatin MEJD Vila Verde, Dili, tersa ne’e.

Preparasaun atu aselera prosesu konstrusaun ba eskola sira-ne’ebé tama ona iha lista, nia dehan, bainhira prosesu la’o daudaun konsege mosu problema iha eskola hitu hafoin ekipa DNDPE buka solusaun, konsege rezolve duni eskola neen (6) no eskola ida (1) mak ne’ebé la konsege maka edukasaun pre-eskolár ida iha postu Hatu-Udo, munisípiu Ainaro.

Planu atu halo konstrusaun ba eskola iha territóriu nasionál, daudaun ne’e eskola hamutuk 203 maibé eskola 197 ninia prosesu tama ona iha Ministériu Finansas hodi loke ona Code Vendor atu hein de’it transferénsia osan ba konta bankária.

“Ami hetan ona informasaun hosi dirasaun Finansas Edukasaun nian. Sira hateten mai ami katak prosesu transferénsia osan ba konta bankária sei ramata iha novembru ne’e, no oportunidade ba eskola neen (6) ne’e mós sei tuir tan iha tempu besik,” nia hateten.

Jornalista : Tomé Amado

Editór      : Cancio Ximenes

PUBLISIDADEiklan

1 KOMENTÁRIU

  1. iha postu hato.udo aldeia aimerleu kansela tmba quintal ou rai nain sai penonton ba skola.sd ho.smp iha aimerleu ne tmba mosu birokrasia iha nba uluk hari skola sd aimerleu iha 2003 iha nba nain ba rai ne sira jani ona atu sai seguranca iha ne dps dehan aban bain2 oan balu skola iha ensino superior bele.mai sai manorin iha fatin iha ne maibe to ikus hatama familya hotu dt ami rai nain sai penoton ho rajaun ida.ne.mk ami rai nain kansela atu hari tan edificio foun krk ami mos tenki hola.parte hotu obrigado MEJD

HAKEREK NO HATÁN

Please enter your comment!
Please enter your name here