Estudante DIT halo graduasaun.Imajen/pajina DIT.

DILI, 23 novembru 2021 (TATOLI)–Estudante finalista 355 hosi Instituisaun Ensinu Superiór Privadu, Dili Institute of Technology (IESP-DIT) prepara ona atu simu graduasaun iha loron 29 novembru 2021.

Notísia Relevante: Universidade tolu submete lista graduasaun 2.101 ba MESSK

“Molok atu deside data finál ba estudante 355 ninia graduasaun ne’e, Institutu aprezenta uluk lista estudante fulan ida antes ba Ministériu Ensinu Superiór Siénsia no Kultura hodi halo verifikasaun,” Vise-Reitór DIT Trata Asuntu Akadémiku, Vital Barreto, informa ba Agência Tatoli, tersa ne’e.

Lista estudante finalista DIT nian ne’ebé hetan ona konsiderasaun iha prosesu verifikasaun ne’e sei públika uluk iha Jornál da Repúblika depois mak fó biban ba Universidade atu deside loron no fulan ba graduasaun.

Vice Reitór ne’e hateten, estudante finalista 355 atu gradua ne’e mai hosi Fakuldade haat mak hanesan Fakuldade School Enjinaria no Siénsia, Estudu Petrolíferu, Fakuldade Jestaun no Komérsiu no Turizmu no Hospitalidade.

Entretantu totál estudante DIT ne’ebé konsege akaba sira-nia estudu no hetan graduasaun to’o 2020 hamutuk 3.254, no númeru ida-ne’e la inklui finalist 355 ne’ebé atu simu graduasaun semana ne’e.

Enkuantu totál estudante ne’ebé rejistadu hamutuk 5000-resin maibé estudante ativu iha de’it 3000-resin.

Jornalista : Tomé Amado

EDitór      : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here