Komandante Pólisia Nasionál Timor-Leste (PNTL) Munisípiu Baucau, Superintendente Xefe Armando Monteiro. Imajen Agência TATOLI/Eugénio Perreira.

BAUCAU, 23 novembru 2021 (TATOLI) – Asidente tráfegu iha suku Triloka, postu administrativu Baucau Vila, munisípiu Baucau, rezulta vítima EDG idade 60 mate-fatin. Kazu ne’e akontese iha tuku 19:00 kalan hafoin soke vaskulante ho xapa-matríkula 55.432 TLS, segunda ne’e.

Hafoin akontesimentu Polísia Nasionál Timor-Leste (PNTL) Munisípiu Baucau liuhusi seksaun tránzitu tún direita ba fatin akontesimentu hodi hala’o indentifikasaun.

“Vaskolante ida para iha-ne’ebá, nia (inisial TDC) sei ba sosa sasán iha kioske atu fila-fali, maibé la espera ho motorizada ho diresaun hanesan hosi Caissido ba Triloka rezulta vítima soke truk to’o mate iha fatin,” Komadante PNTL Munisípiu Baucau, Superintendente Xefe Armando Monteiro, ko’alia iha Vila Nova, tersa ne’e.

Vitíma EDG kondus motorizada revo beat ho xapa-matríkula 2771 ho velosidade aas nune’e lakon konsentrasaun to’o lakon vida.

PNTL rasik asegura ona evidénsia hanesan karreta vaskolante ho xapa-matríkula 55.432 TLS ne’ebé kondus hosi motorista TDC iha komandu Baukau hodi tuir prosesu investigasaun.

Entretantu, matebiaun nu’udar Koordenadór Ensinu Báziku Fillial São Francisco de Assis Caissido, Tirilolo. Hafoin akontesimentu vítima evakua kedas ba ninia rezidénsia hodi hala’o prosesu fúnebre iha suku Triloka.

Jornalista         : Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here