Diretór Nasionál Diresaun Empregu no Exterior (DNEE) SEFOPE, Filomeno Soares. Imajen/Domingos Piedade

DILI, 22 novembru 2021 (TATOLI)— Sekretária Estadu Formasaun Profisionál no Empregu (SEFOPE) liuhosi Direasaun Nasionál Empregu Exteriór (DNEE), iha segunda ne’e, fó formasaun preliminár  ba kandidatu traballadór timór-oan hamutuk 100, molok bá serbisu iha Korea Súl.

Diretór Diresaun Nasionál Empregu Exteriór, Filomeno Soares, hateten, formasaun preliminár hosi SEFOPE, hanesan atividade prepara traballadór timór-oan sira atu ba Korea Súl.

Notísia Relevante: SEFOPE realiza formasaun preparatóriu ba kandidatu traballadór timor-oan 40

“Ita formasaun preliminár ba kandidatu traballadór ne’ebé foti ona kontratu atu hanorin sira kona-ba kultura serbisu iha Korea Súl ninian, hanesan disipliña serbisu iha área fábrika no peska nian tanba ambiente ne’e foun ba sira,” Diretór Diresaun Naasinál ne’e, hateten, iha salaun SENAI Becora-Dili, segunda ne’e.

Nia informa, daudaun ne’e kontratu ne’ebé hosi Korea Súl presia presiza traballadór timór-oan besik 400, ne’ebé fahe ba grupu hanesan grupu dahuluk na’in-100 tuir ona formasaun prepratóriu no seluk sei tuir tan.  

Kandidatura traballadór Timór-oan ne’ebé hetan ona fomasaun ne’e seidauk bele aranka tanba sei hein tan lista hosi Korea Súl mak foin arranka.

“Ita hein fali lista kontratu ne’ebé mak hosi Korea Súl hosi Ministériu Traballu iha Korea Súl halo ligasaun ho empregadór sira, hafoin haruka ita nia trabaladór bá,” nia akresenta.

Nune’e, Diretór ne’e husu ba traballadór sira tenke aproveita didi’al formasaun ne’e, nune’e bele komprende regra serbisu iha Korea Súl ninian,

“Ita tenke hatoman-an bainhira ba ema-nia rai, tenke kuidadu sasán ne’ebé ita uza no husu joven sira uza oportunidade ne’e ho di’ak tanba Governu loke ona dalan hodi prepara ba serbisu iha rai-liur.

Notísia Relevante: SEFOPE iha kompromisu kontinua kapasita joven-sira asesu kampu traballu

Jornalista : Arminda Fonseca

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here