Ministru Justisa, Manuel Cárceres da Costa, preside semariu prevensaun brankeamentu kapitál no finansiamentu terrorizmu. Imajen TATOLI/ Natalino Costa.

DILI, 22 novembru 2021 (TATOLI)— Ministériu Justisa (MJ) liuhosi Komisaun Nasionál Kombate Brankeamentu Kapitál no Finansiamentu Terrorizmu, realiza semináriu hodi analiza polítika no estratéjika hodi prevene krime hirak ne’e mosu iha Timor-Leste.

Semináriu ho via virtuál ne’e, prezide hosi Ministru Justisa, Manuel Cárceres da Costa, akompaña ho membru hosi Asian Pacific Group on money Laundering hosi Austrália no membru komisaun nasional hosi Ministériu Negósiu Estranjeiru no Kooperasaun, Polísia Sientetifika Investigasaun Krime (PCIC, sigla Portugés), Ministériu Públiku, Banku Nasionál Komérsiu Timor-Leste (BNCTL), Banku Sentrál Timor-Leste (BCTL) no seluk tan.

“Semináriu ne’e halo hosi ita nian komisaun nasionál atu prepara ita nian situsaun hasoru avaliasaun brankeamentu kapitál no finansiamentu terrorizmu nian ne’ebé sei halo iha 2024 hosi Asian Pacific Group on money Laundering,” Ministru Manuél, hateten ba Agência TATOLI, hafoin ramata semináriu ne’e iha edefísiu MJ, Caicoli, segunda ohin.

Notísia Relevante: Instituisaun tolu selebra akordu kombate krime brankeamentu kapitál-finansiamentu terrorizmu

Governante ne’e esplika, semináriu ne’e hanesan avaliasaun atu haree kestaun aktu brankeamentu kapitál no finansiamentu terrorizmu tanba sai ameasa transnasionál ka risku hanesan estabilidade finaseira no risku ba reputasaun iha mundu.

“Ita tur hamutuk ho APG no ita nian entidade relevante atu haree hamutuk ba kestaun brakeamentu kapitál no finansiamentu terrorizmu atu tempu oin mai ita bele prevene liután krime rua ne’e,” Governante ne’e akresenta.

Tanba, Ministru Manuel dehan presiza halo prevensaun atu krime rua ne’e labele akontese tanba sosiedade sei funeravél tebes.

“Ha’u rekomenda katak Timor-Leste nia posizaun polítika nafatin la simu ka konsidera brakeamentu kapitál no finansimeentu terrorizmu tanba krime rua ne’e laiha fronteira,” nia akresenta.

Nune’e, Governu hamutuk ho grupu Ázia Pasífiku no membru komisaun nasionál sira atu kontinua atualiza ba malu apoia hodi bele prevene krime rua ne’e.

Daudaun, Governante ne’e infroma seidauk iha atividade transasaun atividade brakeamentu kapitál no fiansiamentu terrorizmu.

“Ita sei servisu hamutukho Banku Sentrál Timor-Leste no Banku Komérsiu Nasionál Timor-Leste iha Unidade Informasaun Finanseira atu alerta bainhira deteta krime hirak ne’e,” nia afirma.

Tuir Lei númeru 17/2011 estabelese rekizitu jerál kona-ba prevensaun no kombate krime brankeamentu kapitál no finasnsiamentu terrorizmu hanesan forma ida hodi kumpre padraun internasionál.

Tanba, atu kumpre padraun internasionál iha matéria prevensaun no kombate iha risku rua ne’e Timor-Lestre adere on aba grupu Ázia Pasífiku ne’ebé hala’o nia kna’ar iha matéria prevensaun no kombate brankeamentu kapitál no finansiamentu terrorizmu.

Grupu Ázia Pasífiku nu’udar organizmu rejionál id aba grupu asaun finanseiru ne’ebé estabelese no define ba pratika di’ak internasionál ba rekomedasaun 40 hodi bele implementa.

Notísia Relevante: Brankeamentu kapitál no finansiamentu terrorizmu sai ameasa transnasionál

Jornalista :  Natalino Costa

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here