Emprezáriu Covalima partisipa iha sensibilizasaun dekretu-lei kona-ba publisidade. Imajen Tatoli/Celestina Teles.

COVALIMA, 22 novembru 2021 (TATOLI)—Ministériu Administrasaun Estatál (MAE) liuhosi Dirasaun Nasionàl Organizasaun Urbana realiza sensibilizasaun dekretu-lei kona-ba lisensiamentu mensajen publisitáriu ba emprezáriu sira iha munisípiu Covalima. 

Notísia Relevante: Emprezáriu Timoroan Deskontente ho Lisensiamentu Publisitáriu

Objetivu hosi sensibilizasaun ne’e, primeiru alterasaun hosi dekretu-lei númeru 51/2016 kona-ba lisensiamentu mensajen publisitáriuu la’ós atu kobra de’it taxa maibe pontu prinsipál mak atu organiza sidade. 

“Tuir loloos lei ne’e ita implementa ona la’ós kestaun ami iha nasionál hatene katak munisípiu sira-ne’ebè sai implementadór sei hasoru dezafiu,” Xefe Departamentu Asisténsia Tékniku Urbana, Cosme Henrique da Costa Saldanha, hateten liuhosi nia diskursu, iha salaun administrasaun Covalima, segunda ne’e. 

Dezafiu ne’ebè mak munisípiu sira hasoru hanesan rekursu umanu, orsamentu atu kontinua realiza sensibilizasaun ne’ebè mak molok ne’e realiza ona iha tinan 2017.

Tuir loloos munisípiuu kontinua hatutan ona informasaun ba operadór sira no operadór sira mós  iha ona informasaun, nune’e bainhara ekipa sira tun ba terreñu, operador sira labele dehan seidauk iha informasaun kona-ba públisidade 

“Normál, la’ós akontese de’it iha Covalima maibé mós akontese iha munisípiu seluk. Ita la’o neineik no halo aproximasaun, ita sei la’o ba oin,” nia informa.  

Nia husu ba emprezáriu sira tenke foku, nune’e bele komprende prosesu oinsá atu hasai lisensa iha administrasaun munisípiu Covalima bainhira monta publisidade.   

Adjuntu Sekretáriu Administradór, Francisco de Jesus Alves, hateten servisu kona-ba publisidade hahú iha tinan 2014 maibe seiduak iha regulamentu entaun kompañia sira balun halo monopóliu, halo promosaun kintu-kantu hodi prejudika movimentu públiku hodi taka sira-nia publisidade.

Nune’e, iha 2016 kria dirasaun jerál urbana haree kona-ba asuntu publisidade hodi fahe informasaun kona-ba dekretu-lei liga ba publisidade.  

Sensibilizasaun ne’e, hanesan fó hanoin ba kompaña sira atu labele taka publisidade iha fatin-fatin, Tanba fatin balun bele taka publisidade no balun labele taka. 

“Ohin, sira mai atu fó hanoin ba ita-boot sira, publisidade labele taka iha fatin-fatin tanba fatin balun bele tau no fatin balun labele tau no iha nia durasaun tempu.  Ho dekretu-lei ne’e, ita-boot sira ajuda ona income ba Governu hodi kontinua halo dezenvolvimentu iha ita-nia rai. Ita hotu hatene katak, ita hetan reseita hosi fundu mina-rai de’it,” nia dehan.    

Notísia Relevante: Negosiante-Emprezáriu Presiza Hatene Instrumentu Legál

Jornalsita : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here