Diretora Ezekutiva Laboratórium Nasionál Saúde (LNS), Endang Soares Silva. Imajen Tatoli/Francisco Sony

DILI, 22 novembru 2021 (TATOLI)—Diretora Ezekutivu Laboratóriu Nasionál Saúde, Endang Soares Silva, hateten, Orsamentu Jeral Estadu 2022 (OJE) aloka $ 823,345 atu finansia ba programa rua hanesan governasuan di’ak no jestaun instituisionál no saúde.

“Governu aloka $823,345 ne’e sufisiente ona tanba ba finansia atividade sira hanesan halo manutensaun no rekrutamentu ba adisonál ba funsionáriu kontratadu sira,’’ Diretora Ezekutivu Laboratoriu Nasionál Saúde Endang Soares informa ba ba TATOLI via telefone ohin.

Hosi totál orsamentu $823,345 ne’e fahe ba kategória, salariu no vensimentu $364,039, bens no servisu $399,306 no kapitál menor $60,000.

Diretór Ezekutivu ne’e esplika, hosi OJE 2022 ne’e sei finansia ba programa rua ho sub-rograma haat no atividade 10.

Nune’e, programa ho kódigu 510 kona-ba Governasaun di’ak no jestaun institusionál ho alokasaun orsamentu $236,263 no programa ho kódigu 850 kona-ba Saúde prevee osan $587,082.

“Boa governasaun no jestaun instituisional ba iha área  abordajen integrada foka liu ba finansa no adminsitrasaun,  lojístika, patrimóniu,  planeneamentu  monitorizasaun, estatistika,  no jestaun ba rekursu umanus. Área saúde nian foka liu ba serbisu saúde públika no serbisu apoia klíniku diagnsotiku no laboratoriál,’’ Diretór Ezekutivu ne’e akresenta.

Entretantu, Laboráriu Nasionál Saúde ezekuta Orsamentu Jerál Estadu 2021 atinje ona 60%.

Jornalista : Felicidade Ximenes

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here