GFMS selebra aniversáriu ba dala-neen iha Otél Luz Clarita. Imajen/ Natalino Costa.

DILI, 22 novembru 2021 (TATOLI)— Prezidente Grupu Feto Serbisu Migrasaun (GFSM), Inspetora Polisia Lucia de Fatima Soares, husu ba Governu atu kontinua haforsa polítika promove feto potensiál sai lideransa iha insitituisaun Estadu sira.

Inspetora Polísia Lucia Lucia de Fatima Soares hato’o kestaun, bainhira selebra aniversáriu Grupu Femenina Servisu Migrasaun (GFSM) ba dala-neen, ne’ebé hala’o ija Otél Luz Clarita.

“Ami nia organizasaun ne’e harii atu fó oportunidade ba feto sira sai lideransa iha institusaun Estadu sira. Tanba, ita haree no ko’alia kona-ba jestaun iha nivél lideransa iha institusaun Estadu nian, feto menus tebes,” Inspetora Polísia Lucia, hateten ba Agência TATOLI, segunda ne’e.

Durante ezisténsia GFSM iha tinan neen nia laran konsege fó formasaun ba feto maluk sira ne’ebé serbisu iha Ministériu Interiór nian liuliu Servisu Polisia Migrasaun.

Prezidente Grupu Feto Serbisu Migrasaun (GFSM), Inspetora Polisia Lucia de Fatima Soares. Imajen/Natalino Costa

“Ami iha grupu ne’e iha ema sivil no polisia no grupu ne’e hamrik kleur ona, ami nia atividade maka fó formasaun ba ami nia maluk feto sira no empodera sira, nune’e bele okupa pozisaun sira iha instituisaun Estadu liliu iha serbisu migrasaun,” nia akresenta.

Nune’e, Lideransa ne’e husu ba Governu atu aumenta kapasitasaun hodi hasa’e abilidade no koñesimentu, inklui númeru feto hodi bele atinje polítika igualidade jéneru iha servisu Migrasaun.

Governu mós presiza fó oportunidade ba feto sira atu hetan promosaun karreira tuir dezempeñu no kapasidade atu kontribui foti dezisaun iha dezenvolvimentu nasionál.

Iha biban hanesan, Diretór Jerál Servisu Migrasaun Superintendente Agustinho da Silva Gomes, hato’o kongratulasaun no parabés GFMS tanba bele kria grupu ida atu fó oportunidade ba feto bele halo buat ruma iha institusaun.

“Ha’u kongratula imi dejezu imi nia organizasaun ida ba oin bele sai forte liután no promete kontinu apoia grupu GFSM iha kualker atividade, nune’e bele garante igualidade jéneru iha instituisaun,” DiretórJerál ne’e akresenta.

Jornalista :  Natalino Costa

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here