Jestór Programa CJC, Barnabe Ferreira. Imajen Tatoli/Celestina Teles.

COVALIMA, 22 novembru 2021 (TATOLI)–Centro Juventude Covalima apoiu orsamentu $33.970.00 ba postu administrativu sira hodi realiza atividade desportu iha ámbitu komemorasaun loron progklamasaun independénsia 28 Novembru  ba dala-46 (28 novembru 1975—28 novembru 2021).

Jestór Programa Centro Juventude Covalima, Bernabe Ferreira informa, orsamentu ne’ebé maka CJC apoiu ba postu administrativu hitu iha Covalima ne’e, hetan apoiu hosi SEJD hodi aloka ba kada postu administrativu ho montante ne’ebé la hanesan.

Orsamentu ne’ebé ita hetan apoiu husi SEJD $33.970.00 ne’ebé aloka ba kada postu ne’ebè pertense iha munisípiu Covalima ne’e, balun hetan orsamentu ne’ebè kiik no balun boot,” Bernabe Ferreira informa ba Agência Tatoli, iha nia knaar fatin, Covalima, segunda ne’e. 

Nia haktuir, CJC aloka ba postu administraivu Fatululik $4,078.00, Fatumea $4,417.00, ba postu administrativu tolu hanesan Fohorem, Maukatar no Tilomar hetan $4.756.00, postu Suai Vila $5, 095.00 no postu administrativu Zumalai hetan $6,112.00.

 Bernabe Ferreira dehan, iha semana kotuk postu administrativu Fohorem, hahú halo ona abertura atividade desportiva hodi anima komunidade sira. 

Koordenadór Jerál Sesaun Animasaun Desportivu 28 Novembru iha Postu Fohorem, Angelo da Costa Oliveira informa, postu aministrativu Fohorem realiza atividade desportu hamutuk klubu ualu (8) ba modalidade volli bol mane no feto, fuutebol hamutuk klubu haat ne’ebè reprezenta hosi suku haat iha Fohorem. 

Suku hat ne’ebè pertense iha postu administrativu Fohorem mak hanesan suuku Fohorem, Laktos, Dato Tolu no Dato Rua. 

Nia informa, klubu desportu ne’ebé maksai vensedór ba torneu ne’e sei hetan prémiu ne’ebé hetan apoiu orsamentu $3,400 ba material $1,358.

Vensedór iha aktividade desportivu ne’e sei hetan prémiu ne’ebé valoriza ho osan ne’ebé ho montante lahanesan. Primeiru Lugar Volibol sei hetan osan $300.00, segundu lugar $250.00, terseiru lugar $200.00. Ba vensedór futebol nian ne’e, primeiru lugar hetan $400.00, segundu lugar $350.00 no treseiru lugar $250.00. 

Jornalsita : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here