Padre Martinho G. da Silva Gusmão.

BAUCAU, 20 novembru 2021 (TATOLI) – Santa Sé liuhosi Santu Padre Papa Francisco demite ona Martinho Germano da Silva Gusmão hosi kna’ar saserdósiu.

Santu Padre Francisco responde karta reskritu hosi Padre Marinho Gusmão ne’ebé haruka ba Santa Sé iha loron 4 fevereiru 2021, nune’e iha loron 13 outubru 2021 Santu Padre Francisco liuhosi kongregasaun evanjelizasaun povu ho númeru protokolu númeru 3593/21: konsede ba Padre Martinho Germano da Silva Gusmão halo demisaun estadu krelikál no despensa ba kelibo katak Padre Martinho Gusmão husik ona nia kna’ar ka devér no obrigasaun nu’udar nai-lulik.

“Ho komunikadu ida-ne’e, hosi ne’e ba oin señor Martinho da Silva Gusmão sei hala’o vida nu’udar ema leigu bainbain no kontinua nafatin fó testemuña fiar hanesan sarani di’ak,” nota imprensa ne’ebé Agência TATOLI asesu hosi Kámara Eklesialista Dioseze Baucau, sábadu ne’e.

Iha nota ba imprensa ne’e hateten, Martinho Gusmão hala’o vida leigu hanesan bainbain iha sosiedade, maibé sakramentu orden ne’ebé simu inkanselavel, tanba ne’e, sarani hirak-ne’ebé iha situasaun perigu óbitu no na’i-lulik laiha liu kedas atu atende konfesaun, Martinho bele atende konfesaun no absolve validamente pekadu sira.

Karta refere, hato’o mos agradese ba Martinho Gusmão ne’ebé tinan barak serbí uma kreda liuhosi ninia knar nai-lulik, no kontinua reza ba Martinho Gusmão atubele sai nafatin leigu ne’ebé di’ak no kontinua fó testemuña fiar nu’udar sarani iha sosiedade. 

Konteúdu karta demisaun ne’ebé fó-sai hosi Kámara Eklesialista Dioseze Baucau. Imajen espesial..

Antes ne’e, iha loron 25 janeiru 2021, Padre Martinho Gusmão hato’o karta ba Dom Basílio do Nascimento (Matebian) hodi husu demisaun ba ninia ministériu saserdósiu. 

Iha loron 4 fevereiru 2021, Padre Martinho Gusmão haruka karta reskritu ba Amu Papa Francisco hodi husu karta demisaun estadu elerikál.

Loron 30 agostu 2021, Bispu Dom Basílio do Nascimento suspende Padre Martinho Gusmão hosi kna’ar nu’udar nai lulik.

 

Jornalista         : Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here