TIBAR, 19 novembru 2021 (TATOLI)-Labarik nu’udar jerasaun foun. Labarik nu’udar koluna vertebrál nasaun nian. Labarik nu’udar roman foun dezenvolvimentu nian. Tanba ne’e, iha loron 20 novembru país hotu iha mundu komemora loron labarik nian, nu’udar rekoñesimentu ida ba direitu labarik sira hotu nian iha mundu ne’e.

Inisiativa estabelese loron mundiál direitu labarik nian hahú iha tinan 1945 no tuirmai iha tinan 1959 liuhusi Asembleia Jerál Nasaun Unida (ONU) aprova direitu labarik sira nian no ikusmai iha tinan 1989, tinan 30 depois, ONU adota mós Konvensaun direitu labarik nian, hodi promove, hametin no konsensializa ema hotu oinsá garante no mellora bem-estar labarik sira hotu nian.

Tanba ne’e, Timor-Leste nu’udar Estadu membru ONU nian ida, adota mós Konvensaun direitu labarik nian, nune’e kada tinan Timor-Leste mós komemora loron ne’e ho tema oioin. Iha tinan ida ne’e, Timor-Leste selebra loron mundiál ne’e ho tema “Hamutuk ita promove no salva-guarda labarik sira husi pandemia Covid-19 no dezastre naturál”.

Produsaun Tatoli I.P ©2021

PUBLISIDADEiklan

HAKEREK NO HATÁN

Please enter your comment!
Please enter your name here