Diretór EBC Ladi, Pedro Amaral. Imajen Tatoli/Celestina Teles.

COVALIMA, 18 novembru 2021 (TATOLI)—Diretòr Eskola Bázika Central (EBC) Ladi, Pedro Amaral, informa estudante sira husi Eskola Bázika Sentral Ladi preparadu ona atu tuir ezame pasajen klase ne’ebè sei hala’o iha semana oin.

Notísia Relevante: Estudante 6.472 hosi eskola lima prepara tuir ezame pasajen klase

“Ami halo ona preparasaun hodi forma komisaun organizadora, ami prepara pontu ezame. Nune’e, semana oin estudante hosi Primeiru Ano to’o Nono ano sira, hahú ezame ona pasajen klase,” Pedro Amaral, informa ba Ajensia tatoli, iha nia kna’ar fatin, sesta ne’e 

Molok estudante sira atu hahú ezame pasajen klase, EBC Ladi forma ona komisaun organizador tuis sesaun, no ohin sira halo ona atividade forma meza ho kadeira, tau númeru no taka naran iha odamatan, nune’e bainhira semana oin estudante sira tuir ezame karik tuur iha ida-idak nia fatin.

EBC Ladi halo preparasaun ba ezame pasajen klase molok finadu ne’e hahú ona halo enkontru, tanba ne’e EBC Ladi preparadu ona no estudante sira pronrt atu tuir ezame pasajen klase iha semana oin. 

Estudante iha Eskola Bázika Central (EBC) Ladi hahú hosi Primeiru ano to’o Nono ano, hamutuk 900-resin. 

Jornalista : Celestina Teles

Editór      : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here