DILI, 19 novembru 2021 (TATOLI)—Objetivu Dezenvolvimentu Sustentável iha meta hamutuk 17, ne’ebé país sira ho polítika rasik, tenta atu kumpre objetivu sira nu’udar kompromisu ba aplikasaun ajenda Nasaun Unida tinan 2030.

Governu Timor-Leste iha kompromisu atu kumpre ajenda ne’e tanba aliña ho Planu Estratéjiku Dezenvolvimentu 2011-2030, ne’ebé liga ho infraestrutura bázika, iha Objetivu Dezenvolvimentu Sustentável númeru 6 mensiona kona-ba garante disponibilidade bee-moos no saneamentu ba ema hotu.

Maski atu atinje objetivu ema hotu iha direitu hanesan uza bee-moos no saneamentu la’ós fasil tanba to’o agora kestaun infraestrutura bázika ne’e sai problema iha sosiedade iha área urbana to’o rurál.

Esforsu Governu Timor-Leste atu rezove problema bee-moos no saneamentu maka halo kooperasaun ho Millennium Challenge Corporation (MCC) hanesan ajénsia asisténsia externa hosi Estadu Unidu Amérika, ho karater inovadora no independente no misaun ajuda luta kontra pobreza globál, ne’ebé ba inisiativa ne’e MCC fó apoiu fundu millaun $200 hodi implementa projetu drenajen no saneamentu iha kapitál Dili, enkuantu hosi parte Timor-Leste investe dezeñu detalladu projetu ho kustu millaun $300.

Nune’e, iha loron 25 marsu 2019, lansa Compact Development Team Timor-Leste (CDT-TL) hodi dezenvolve programa kompaktu iha Timor-Leste liuhosi identifika setór importante relasiona ho aplikasaun ajenda ODS Nasaun Unida tinan 2030.

Produsaun Tatoli I.P ©2021

PUBLISIDADEiklan

HAKEREK NO HATÁN

Please enter your comment!
Please enter your name here