Prezidente Autoridade RAEOA, Arsénio Paixão Bano. Imajen TATOLI/Francisco Sony

DILI, 19 novembru 2021 (TATOLI)–Prezidente Autoridade Rejiaun Administrativa Espesiál Oé-cusse Ambeno (RAEOA), Arsénio Paixão Bano, informa, empreza Irmaun Timor sosa ona ró Success hodi garante konetividade transporte marítima.

“Informa ba Primeiru-Ministru kona-ba transporte marítima, tanba agora transporte laiha, maibé molok tama loron boot natal no tinan foun, iha ona empreza ida iha RAEOA liuhosi empreza públika no privada komersiál ba dezenvolvimentu, tama hanesan sosiu, ne’ebé empreza ne’e ema Oé-cusse-oan duni no nia mak sosa,” Prezidente Autoridade hateten hafoin hasoru Primeiru-Ministru, Taur Matan Ruak, iha Palásiu Governu, sesta ne’e.

Notísia relevante: Ró Success prontu transporta pasajeiru durante loron boot bá Oé-cusse

Nune’e, Autoridade sei hamutuk ho Governu Sentrál rezolve kestaun transporte marítima hosi Oé-cusse-Dili no Ataúro.

“Prosesu sosa ró ne’e RAEOA investe 30%, maibé Governu iha kompeténsia hodi haree sertifikasaun no lisensa, bele dehan tanba ró ne’e empreza hosi Oé-cusse mak sosa, entaun ró ne’e hosi Oé-cusse, ha’u kontente ida ho ida-ne’e,” Arsénio akresenta.

Nia konsidera, ró success di’ak tanba durante tempu kleur ona ró ne’e halo operasaun rute Dili- Oé-cusse -Ataúro di’ak tebes, maibé daudaun ró ne’e halo hela manutensaun iha Malázia.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here