Ekipa Bombeiru, CVTL no funsionáriu Aeroportu Comoro, halo simulasaun salva ema no hamate ahi-han aviaun, sesta (19/11). Imajen TATOLI/António Gonçalves

DILI, 19 novembru 2021 (TATOLI)–Aeroportu no Navegasaun Aérea Timor-Leste, Empreza Públika (ANATL, E.P), realiza atividade simulasaun ahi-han aviaun tula pasajeiru no monu iha Aeroportu Internasionál Prezidente Nicolau Lobato, Comoro.

Ministru Transporte no Komunikasaun (MTK), José Agustinho da Silva, konsidera, atividade ne’e importante tebes iha setór aéreu no nu’udar rekezitu ida hodi sertifika aeroportu.

Ekipa Bombeiru, CVTL no funsionáriu Aeroportu Comoro, halo simulasaun salva ema no hamate ahi-han aviaun, sesta (19/11). Imajen TATOLI/António Gonçalves

“Tanba ne’e presiza preparasaun liga ho rekezitu ne’ebé organizasaun sivil mundiál hatuur, tanba eventu ne’e nu’udar parte hosi rekezitu ne’ebé iha, entaun planu emerjénsia sira hahú hosi local standby, full emergency no emergency close, ne’e informasaun ba ita hotu, liuliu ba sira ne’ebé halo movimentu uza meiu transporte aéreu, katak safety security ne’e importante iha setór aviasaun sivil no tenke asegura katak bainhira akontese buat ruma ita iha preparasaun atende no asegura iha eskala boot liu,” Ministru hateten iha ámbitu realizasaun atividade simulasaun iha resintu Aeroportu Comoro, sesta ne’e.

Ekipa Bombeiru, CVTL no funsionáriu Aeroportu Comoro, halo simulasaun salva ema no hamate ahi-han aviaun, sesta (19/11). Imajen TATOLI/António Gonçalves

Atividade ne’e partisipa hosi ekipa Bombeiru, saúde, operadór airline, servisu migrasaun, Cruz Vermelha de Timor-Leste (CVTL), no Polísia Nasionál Timor-Leste (PNTL).

“Konetividade aérea importante maibé ninia risku boot tebes iha nasaun ida. Ita rekoñese realidade situasaun atuál rai-laran kona-ba kondisaun akontesementu ruma ho eskala boot maibé ita seidauk iha kondisaun atubele responde, ho ida-ne’e etapa ba etapa, hosi eskala kiik ita prepara ba futuru,” nia akresenta.

Ekipa Bombeiru, CVTL no funsionáriu Aeroportu Comoro, halo simulasaun salva ema no hamate ahi-han aviaun, sesta (19/11). Imajen TATOLI/António Gonçalves

biban hanesan, Prezidente Konsellu Administrasaun ANATL, E.P, José Trindade da Cruz Pinto, hateten, nu’udar operadór ba servisu aeroportu no navegasaun aérea, tenke halo knaar importante hodi garante servisu seguransa transporte aérea.

“ANATL, E.P sai hanesan membru ba organizasaun mundiál aviasaun sivil, tanba ne’e tenke prienxe rekezitu no halo planu di’ak hodi fó resposta ba situasaun emerjénsia ruma ne’ebé mosu, nune’e bele garante seguransa ba aviaun no ema iha aerportu,” nia dehan.

Haree ba ezijénsia organiziasaun mundiál aviasaun sivil no mós Autoridade Aviasaun Sivil Timor-Leste, ANATL, E.P hanesan responsável ba serbisu iha aeroportu, ne’ebé halo kedas planu hodi forma komisaun ba atende planu emerjénsia no halo koordenasaun ho entidade sira ne’ebé pertense ba servisu emerjénsia.

Ekipa husi bombeiros, Crus Verneilha no funsionariu Aeroportu Internasional hamate hela ahi bainhira halo simulasaun salva ema no hamate ahi han aiviaun, sesta 19/11/2021.Imajen Tatoli/Antonio Goncalves

“Ezersísiu ne’e tenke halo beibeik, hodi nune’e prienxe rekezitu hosi International Civil Aviation Organization (ICAO) no AACTL hodi koko autoridade hamutuk ho entidade relevante sira hodi halo koordenasaun, rekursu umanu no rekursu saida de’it mak iha, hodi nune’e bele atende situasaun emerjénsia. Ezersísiu ne’e ANATL realiza bebeik maibé durante tinan barak nia laran nunka halo intensivu maibé eskala kiik de’it, ne’ebé entidade sira iha aeroportu de’it mak halo,” nia tenik.

Kronolojia ezersísiu emerjénsia

Ekipa Bombeiru, CVTL no funsionáriu Aeroportu Comoro, halo simulasaun salva ema no hamate ahi-han aviaun, sesta (19/11). Imajen TATOLI/António Gonçalves

Aviaun ho marka Coemera 01, tipu airbus 320 serie 200 ho destinasaun Singapura-Dili, dahuluk mosu ahi-suar iha liras karuk aviaun, halo viajen besik iha área Alor, Indonézia ho nune’e pilotu alerta ahi lakan maka’as iha parte mákina liman karuk, tanba enfrenta situasaun full emergency.

Nune’e, ahi-han mákina tomak, to’o iha Tibar-Dili, hosi torre alerta ona mai graun hodi prepara sukoru, iha pista rohan, liu Tibar pilotu alerta Mayday (kódigu emerjénsia) no bainhira to’o Aeroportu Comoro, Dili, aviaun monu iha pista rohan, ne’ebé hetan atende diretamente hosi parte Bombeiru no Ambulánsia.

Aleinde ne’e, aviaun ne’e tula hela pasajeiru hamutuk na’in-60 inklui crew aviaun na’in-ualu.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here