Xefe Sesaun Feira no Bazar Kalan, Damião Amarál. Imajen Tatoli/Celestina Teles.

COVALIMA, 19 novembru 2021 (TATOLI)—Komisaun Organizadora (KO) 28 Novembru liuhosi Xefe Sesaun Feira no Bazar Kalan, Damião Amaral, informa aban sira-nia parte sei halo abertura feira no bazar kalan iha Covalima, tanba sira rejista ona grupu 20-rsein ne’ebè mak atu tuir feira no bazar kalan.

Notísia Relevante: Selebra loron independénsia, Covalima sei promove kompetisaun ‘kuda halai taru’

“Ami rejista ona partisipante sira-ne’ebè atu hetan espasu ne’e, grupu 20-resin ona ne’ebè mak ami rejista. Sira agora prepara ona sira-nia fatin,” Xefe Sesaun Feira no Bazar Kalan, Damião Amaral, hateten ba jornalista sira iha iha ámbitu komemorasaun 28 Novemrbu ba dala-46 (28 novembru 1975-2021) ho tema “A União e a Luta Conjunta, Para a Vitória de Todos, iha Santa Rosa, Covalima, sesta ne’e. 

Feira no bazar kalan ne’e, tuir planu loke durante loron ualu (8) ne’ebè hahú iha loron 20-28 novembru, ne’ebè sei faan produtu sira hanesan produtu fabrika, kioske, produtu artezenatu hodi aprezenta pintór Covalima nia oan sira-nia obra.

Damião Amaral husu ba komunidade sira-ne’ebè mak iha interese faan produtu lokál sira,  bele rejista iha sesuan feira no bazar kalan ne’e. 

“Ami sei hein nafatin komunidade sira-ne’ebé mak iha interese atu loke feira no bazar kalan iha ámbitu selebra 28 Novembru iha tinan ida-ne’e,” nia informa.  

Kona-ba atu loke feira avizu fo sai iha postu administrativu sira-ne’ebè maka pertense iha munisípiu Covalima maibe kada postu iha ona nia orsamentu rasik 

“Ami nia preparasaun atu loke feira no bazar kalan, agora ami prepara ona fatin no tau ona númeru sorteiu sira bazea ba lista ne’ebè mak ami rejista,” Damião hateten. 

Enkuantu, orsamentu ne’ebé Administrasaun Munisipál prevee ona komemora loron nasionál 28 Novembru hamutuk $12,800.00 ne’ebè aloka ba postu administrativu sira hamutuk $,.500.00 

Hosi orsamentu ne’e sei aloka mós ba sesaun provizóriu hanesan ba sesaun Sekretáriu $2,786 .00, protokolu no MC $88.00, liturjia no korru $460.00, isar bandeira Nasionàl $1,175.50, parada no formatura $45.00, lojístika $ 924.50, Mobilizasaun $45,00, limpeza $ 16,50, konsumsi $1,022.50, dekorasaun $189.00, primeiru sokorru $81.00, seguransa $140.00, Desportu $2,230.00, feira no bazar $500.00, animasaun kultura $600.00, Currida de Cavalo $1,892.00.

Postu administrative neen (6) komemora loron Nasionàl 28 Novembru iha sira-nia postu administrativu rasik no postu administrativu Suai Vila sei realiza kompetisaun hirak ne’e, sei partisipa hosi suku Debos, Beko, Camnasa, Suai Loro, Labarai ne’ebè Covalima sei realiza serimónia isar bandeira iha Postu Suai sei realiza iha Kampu futebol Ladi.

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here