Osan Dolar Amérika. Imajen/Espesiál

BAUCAU, 19 novembru 2021 (TATOLI) – Benefisiáriu idozu no invalidés munisípiu Baucau hamutuk 14.446 sei simu subsídiu faze daruak iha fulan-novembru to’o marsu 2022.

Diretór Servisu Sentru Solidariedade Sosiál Munisípiu Baucau (CCCMB, sigla portugés), Guido Ricardo Belo, fó-sai katak, Banku Nasionál Komérsiu Timor-Leste (BNCTL, sigla Portugés) no Ministériu Solidariedade Sósial no Inkluzaun (MSSI) iha ona komunikasaun kalendáriu no mekanismu prosesu kona-ba pagamentu subsídiu faze daruak nian.

“Agora pur-volta 14.446 hosi idozu no invalidés rasik, tuir kalendáriu sei hahú pagamentu iha 22 novembru to’o marsu 2022, pagamentu sei hala’o tuir iha kada suku,” Diretór Guido ko’alia iha vila nova, sesta ne’e.

Enkuantu iha faze dahuluk konsege rezolve ona reklamante pur-volta 518 ne’ebé aprovadu hafoin mosu preokupasaun durante pagamentu iha faze dahuluk nian.

“Espera katak bele rezolve fazeadamente, bele minimiza ona lista reklamasaun ne’ebé sira aprezenta, tanba preokupasaun ne’ebé aprezenta pertinente tebes,” Guido akresenta. 

Diretór Servisu Sentru Solidariedade Sosiál Munisípiu Baucau (CCCMB, sigla portugés), Guido Ricardo Belo. Imajen Tatoli /Natalino Belo.

Nune’e mós, faze daruak rejista lista arkivadu ka óbitu pur-volta na’in-48 signifika dadus iha mudansa númeru.

Kompeténsia hosi servisu munisipál nian mak kanaliza de’it informasaun ne’ebé enfrenta iha baze inklui koordena ho parte Sekretariadu Tékniku Administrasaun Eleitorál (STAE) atu konfirma dadus ne’ebé aprezenta hosi reklamante sira.

Durante pagamentu, ekipa BNCTL hamutuk ho MSSI kontinua aplika regra prevensaun Covid-19 ne’ebé hatuur hosi Organizasaun Mundiál Saúde (OMS) no Ministériu Saúde (MS) katak tenke kontinua prátika distansiamentu sosiál, uza maskára no fase-liman beibeik ho sabaun.

Dadus benefisiáriu iha munisípiu Baucau faze daruak hamutuk 14.446 ho totál alokasaun orsamentu hamutuk $ 2.600. 280, kompostu idozu hamutuk 12.354 ho totál orsamentu $ 2.223.720 no invalidés hamutuk 2.092 ho orsamentu $ 376.560.

Antes ne’e, iha faze dahuluk benefisiáriu munisípiu Baucau hamutuk 14.501 ho totál alokasaun orsamentu hamutuk $ 2.610.150.

BNCTL rasik lansa ona oráriu pagamentu iha munisípiu Baucau sei hahú iha postu administrativu Baucau Vila iha loron 22 novembru no sei termina iha postu Quelicai iha loron 16 marsu 2022.

Jornalista         : Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here