Preparasaun parada iha kampu futeból Viqueque villa, sesta (19/11). Imajen TATOLI/Vitorino Lopes da Costa

VIQUEQUE, 18 novembru 2021 (TATOLI)-Komemorasaun Loron Proklamasaun Independénsia ba dala-46 iha loron 28 novembru, estudante sira hosi postu Viqueque villa, munisípiu Viqueque hahú halo preparasaun parada no hino nacional.

Diretór Eskola Ensinu Sekundáriu Jerál (ESJ) Calixa, Rozito Soares do Rosário, hateten, foin lalais enkontru iha munisípiu, deside eskola ne’e maka responsável ba hino nacional inklui dram band.

“Ohin hahú treinu kanta ba misa, hino nacional no dram band, ami preparadu no kolabora ho komisaun organizadora eventu iha postu Viqueque Villa,” Diretór ESJ Calixa informa ba Agência TATOLI, iha kampu futeból Viqueque Villa, kinta ne’e.

Seremónia komemorasaun loron nasionál ne’e ba tinan ne’e sei realiza iha suku Bibileo.

“Dram band nian, ohin ami mai halo gladi ho ekipa parada. Nune’e ekipa rua ne’e bele hamutuk ba preparasaun seremónia 28 novembru,” nia akresenta.

Iha munisípiu Viqueque, kada tinan komemorasaun Loron Proklamasaun Independénsia realiza iha postu lima.

Tuir observasaun Agência TATOLI iha terrenu, iha kampu futeból, eskola katóliku Santu Estevão Viqueque maka sai grupu isar bandeira.

Aleinde ne’e, parte Polísia Nasionál Timor-Leste (PNTL) postu Viqueque orienta parada ba estudante sira.

Jornalista : Vitorimo Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here