Diretór Servisu Munisipál Saúde Baucau, Domingos Reinaldo da Costa Guterres. Imajen Tatoli /Natalino Belo.

BAUCAU, 18 novembru 2021 (TATOLI) – Servisu Saúde Munisípiu Baucau sei vasina estudante hamutuk 21.298 hosi total eskola 184 nune’e prevene-aan hosi propagasaun surtu COVID-19.

Diretór Servisu Saúde Munisípiu Baucau, Domingos Reinaldo da Costa Guterres, fó-sai katak, hosi númeru refere saúde munisípiu presiza totál 2.129.80 viál bainhira vasina estudante sira iha Baucau.

“Dadus ne’ebé ita iha totál eskola hamutuk 184 no totál estudante ne’ebé atu vasina mak hamutuk 21.298, dadus kompleta hotu ona ita prepara bainhira mak hosi ministériu despaixu ai-moruk ita prontu halo vasinasaun,” Diretór Saúde ne’e ko’alia iha Vila Antiga, kinta ne’e.

Domingos esplika, molok atu halo vasinasaun, pesóal saúde hala’o sensibilizasaun ba estudante liuhosi eskola hotu hodi fó asisténsia nune’e labele pániku hanesan presiza deskansa, hán-bosu no hemu bee barak antes atu partisipa vasina.

“Barak liu estudante sira tauk maibé ai-moruk refere laiha impaktu ba saúde,” Domingos argumenta.

Kona-ba labarik sira ne’ebé la’ós estudante, saúde munisípiu sei koordena ho autoridade lokál liuliu suku no aldeia sira atu rekolla dadus no konsentra hamutuk iha postu saúde idak-idak antes pesóal saúde sira fó vasina.

“Lais liu di’akliu, tarde liu entaun janeiru depende ba preparasaun ai-moruk hosinNasionál,” Domingos hateten.

Dadus hosi saúde munisípiu akumula sentru saúde sia (9) komposta sentru saúde Uailili totál eskola hamutuk 16 hosi estudante 1.702, sentru saúde Bucoli totál eskola neen (6) hosi estudante 1.341.

Sentru saúde Ria-mare totál estudante 6.751 hosi eskola hamutuk 29, sentru saúde Baguia totál estudante 1.925 hosi eskola hamutuk 27, sentru saúde Laga totál estudante 3.051 hosi eskola 26.

Nune’e mós sentru saúde Quelicai totál estudante 2.417 hosi eskola 42, sentru saúde Vemasse totál estudante 925 hosi Eskola hitu (7), sentru saúde Ossoqueli totál estudante hamutuk 715 hosi eskola neen (6) no sentru saúde Venilale totál estudante 2.471 hosi eskola 25.

Jornalista         : Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here