Tribunal Munisípiu Covalima. Imajen Facebook

COVALIMA, 18 novembru 2021 (TATOLI)—Defensoria Públika (DP) Munisípiu Covalima hasoru dezafiu tanba laiha transporte no fasilidade bainhira hala’o julgamentu móvel iha munisipiu sira seluk. 

Notísia Relevante: Transporte difikulta serbisu defensoria Covalima

“Ami hasoru dezafiu hanesan menus fasilidade atu fasilita ami-nia servisu hodi hala’o kna’ar ho di’akliu. Tribunál Suai halo julgamentu móvel hodi kobre área Bobonaro, Ainaro no manu Fahi bainhira atu halo ona julgamentu,” Defensoria Públika Covalima, Domingos dos Santos, informa ba jornalista sira iha salaun IADE, Covalima, kinta ne’e. 

Maske hasoru dezafiu hanesan laiha fasilidade transporte atu fasilita servisu hosi defensór sira atu fó asinténsia ba sidadaun sira-ne’ebè mak presiza sira-nia tulun maibé sira kontinua hala’o sira-nia servisu. 

“Liga ba transporte ita-nia instituisaun mós hatene, ami hasoru dezafiu durante hala’o ami-nia servisu. Ho dezafiu ne’ebè iha, la signifika paradu atu hala’o servisu maibe ita iha dever no obrigasaun knar ne’ebè mak hatur ona iha lei, tenke fó asisténsia sidadaun sira-ne’ebè presiza ita-nia tulun,” Domingos informa 

Durante ne’e, bainhira hala’o julgamentu móvel defensoria públika iha ligasaun di’ak ho Ministériu públiku atu fasilita sira. 

“Ami halo julgamentu móvel entaun ami halo ligasaun di’ak ho tribunál no Ministériu públiku sira suporta ami hodi fasilita ami halo julgamentu,” nia hateten. 

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here