Xefe Estadu Maiór F-FDTL, Brigadeiru Jenerál, Calisto Santos ‘Coliati’, hala’o promosaun diviza Kapitaun Infrantaria Edu Fernando Viana ba postu Major. Imajen/media F-FDTL.

DILI, 17 novembru 2021 (TATOLI)- Komandu FALINTIL- Forsa Defeza Timor-Leste (F-FDTL) hala’o promosaun diviza ba Kapitaun Infrantaria Edu Fernando Viana, ba postu Major atubele tuir formasaun Estadu Maiór iha Austrália durante tinan ida.

Promosaun ne’e ho  baz ba estatutu F-FDTL iha artigu 94 no hetan  despaisu hosi Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Lere Anan Timur, iha loron 16 Novembru 2021.

Promosaun deviza ne’e, hala’o hosi Xefe Estadu Maiór F-FDTL, Brigadeiru Jenerál, Calisto Santos ‘Coliati’, iha kuarta (17/11), iha Kuartel Jenerál F-FDTL, Fatuhada-Dili.

Biban ne’e, Brigadeiru Jenerál Calisto Santos ‘Coliati, kongratula ba Majór Edi Fernando Viana no husu atu esforsu maka’as iha misaun ne’ebé Komandu fó ona konfiansa.

“Badinas aprende no badinas atu interativu ho ita nia maluk sira iha ambiente foun ne’ebe ita bo’ot tuir formasaun ba, liuliu nakloke ba malu labele taka an, sein duvida nuudar ema sempre prontu ajuda ita bo’ot tuir buat ne’ebé sira bele,” refere nota ne’ebé Agência TATOLI asesu, kurata ne’e.

Brigadeiru Jenerál Coliati   husu atu durante estudu iha Austrália maka hetan difikuldade bele hato’p preokupasaun ba Adidu Militár iha Austrália.

“Iha ne’eba ita bo’ot hasoru difikuldade ruma husu atu hato’o ba ita nia reprezentante Adidu Militár iha Austrália,” Brigadeiru Jenerál ne’e fó hanoin.

Nune’e, Komandu F-FDTL enkoraja ba Majór Edi Fernando Viana, mantein disipliña, aprende, no lori matenek fila mai hodi kontinua serbí rai Timór, instituisaun F-FDTL no  kontinua nafatin misaun ne’ebé veteranu sira husik hela mai.

Entretantu, Majór   Edi Fernando Viana, aranka ba Austrália, kuarta (17/11) hodi tuir kursu Estadu Maiór durante tinan ida.

Jornalista: Natalino Costa

Editór: Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here