Asesibilidade iha fatin públiku. Imajen/arquiteta

COVALIMA, 17 novembru 2021 (TATOLI)–Project Manager Asosiasaun Naroman ba Futuru, Domingos Sávio Fernandes Gusmão, informa Centro Juventude Covalima seidauk iha asesibilidade tanba seidauk iha rampa ba ema ho difisiénsia (EhD). 

Ami nia prezensa ohin iha ne’e, ami hakarak haree kona-ba asesibilidade ne’ebè mak CJC iha asesibel ba ema ho difisiénsia ka lae. Ami mós haree kona-ba fasilidade hanesan rampa ka asesibilidade ne’ebè mak ema ho difisiénsia bele asesu ka lae,” Domingos Sávio Fernandes Gusmão hateten ba jornalista sira hafoin observa edifísiu CJC, kuarta ne’e. 

Bazeia ba observasuan, Asosiasaun Naroman ba Futuru hamutuk Unicef observa katak Centro Juventude Covalima seidauk iha asesibilidade ba ema ho difisiénsia asesu formasaun iha CJC.

Tanba ne’e, nia dehan, ba futuruu CJC tenke iha asesibilidade ba ema hodi difisiensia fasilidade sira hanesan rampa atu ema ho difisiensia bele hola parte iha atuvidade Centro Juventude Covalima nian.

Asosiasaun Naroman ba Futuru servisu hamutuk ho Unicef hodi haree lalaok no kondisaun hirak ne’e, nune’e ema ho difisiénsia bele asesu atividade iha CJC. 

Hafoin observa asesibilidade iha CJC, tuir planu, hosi Asosiasaun Naroman ba futuru hamutuk ho Unicef sei observa asesibilidade ba ema hodi defisiénsia iha Fronteira Mota Masin.

Jerente programa CJC, Barnabe Pereira, hateten oras ne’e daudaun Centro Juventude Covalima nia edifísiu seidauk iha asesibilidade ka rampa atu ema ho difisiénsia sira bele iha asesu.

“CJC nia preparasaun ba future, ha’u hanoin presiza atu halo rampa tanba Centro Juventude hanesan fatin formasaun ba foinsa’e sira. Ita labele haree de’it ema normál maibé haree mós ema ho difisiénsia sira,” nia informa. 

Tanba be’e, Asosiasaun Naroman ba Futuru rekomenda ba Centri Juventude Covalima tenke iha rampa, nune’e ema ho difisiénsia sira bele partisipa iha formasaun ne’ebè fasilita hosi Centro Juventude Covalima. 

Jornalsita : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here