Adjuntu-Diretór Eskola Ensinu Sekundáriu Públiku (ESP) Númeru 02, Vila Nova, Baucau, Titos Almeida. Imajen Tatoli/Natalino Belo.

BAUCAU, 17 novembru 2021 (TATOLI) – Ensinu Sekundaria Públiku Númeru 2 (ESPN) Baucau sei ezame períodu datoluk ka pasajen klase huhú kinta to’o kuarta semana oin.

Adjuntu-Diretór Ensinu Sekundáriu Públiku (ESPN) númeru 02, Vila Nova, Baucau, Titos Almeida, hateten parte eskola finaliza ona prepasaun hanesan prepara meza, kadeira iha aula eskola ona no ikus fahe oráriu.

“Hahú ezame períodu datoluk ka pasajen klase hosi klase désimu no désimu primeiru-anu, nune’e aban ita realiza to’o kuarta semana oin,” Adjuntu-Diretór ESPN 2 hateten iha ninia kna’ar-fatin, kuarta ne’e.

Totál estudante ne’ebé sei tuir ezame refere hamutuk na’in-679 komposta hosi désimu-primeiru anu hamutuk estudante 382 no désimu-anu hamutuk 297.

ESP Númeru 2 nafatin fó toleránsia pontu ezame ba estudante sira tanba impkatu hosi suspensaun aula aprendizajen kauza pandemia Covid-19 ne’ebé munisípiu Baucau implementa serka sanitária.

Kona-ba preparasaun ezame nasionál ba estudante terseiru-anu, eskola kontinua distrubui matéria rezumu inklui matrix ba professor turnu sira hodi haree pursentajen matéria bainhira realiza ezame nasionál iha fulan dezembru mai. Nune’e mós prepara kartaun ezame no fotografia ba sertifikadu.

Entertantu totál estudante terseiru ano atu partisipa iha ezame nasionál hosi ESP Numériu 2 Baucau hamutuk 324 hosi totál estudante na’in 1.003.

Jornalista         : Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here