Ministériu Obra Públika (MOP) liuhosi Diresaun Abitasaun no Urbanizasaun halo sosializasaun kona-ba poténsia ba ekonomia iha munisípiu Baucau, tersa (16/11). Imajen Tatoli/Natalino Belo.

BAUCAU, 16 novembru 2021 (TATOLI) – Ministériu Obra Públika (MOP) liuhosi Diresaun Abitasaun no Urbanizasaun konsulta kona-ba área zona ekonomia ba autoridade lokál iha munisípiu Baucau.

Diretór Nasionál Urbanizasaun, Manuel da Costa Xavier, hateten, konsulta ne’ebé hala’o iha munisípiu Baucau ba autoridade lokál atu rona direita hosi komunidade sira hodi identifika poténsia no dezafiu hodi formula atu hadi’a komunidade nia moris. 

Diretór Nasionál Urbanizasaun iha MOP, Manuel Da Costa Xavier. Imajen Tatoli/Natalino Belo.

“Objetivu ne’e atu fahe informasaun polítika VIII Governu nian iha munisípiu Baucau atu dezenvolve ekonomia hanesan zona ekonomia ka sentru ekonomia atubele identifika poténsia no dezafiu sira-ne’ebé ke iha no formula atubele hadi’a komunidade nia moris,” nia ko’alia iha Sentru Konvensaun Baucau (CCB, sigla Portugés) Vila Antiga, tersa ne’e.

 

Iha fatin hanesan, Reprezentante Prezidente Autoridade Munisípiu Baucau atuál Diretór Abitasaun no Urbanizasaun Baucau, Francisco Xavier Guterres, husu ba autoridade lokál sira onesta atu prenxe formatu diresaun abilitasaun no urbanizasaun tuir realidade ne’ebé iha kada suku no aldeia tanba autoridade lokál sira mak sai reprezentante komunidade iha baze.

Reprezentante Sosiedade Sivíl, João do Carmo Pinto, hateten konsidera atividade ne’e importante tanba nasaun ida ukun-aan povu mak tenke sai alvu ba dezenvolvimentu.

“Konsulta públiku ne’e di’ak tebes tanba fó benefísiu ba povu no tuir duni povu nia hakarak tanba benefísia hosi dezenvolvimentu ne’e povu la’ós ema seluk,” João hateten.

Jornalista         :Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here