Reprezentante Rezidente UNDP iha Timor-Leste, Munkhtuya Altangerel, entrega ekipamentu saúde ba Ministra Saúde, Odete Maria Freitas Belo. Iha salaun SAMES, segunda (15/11). Imajen Tatoli/Francisco Sony

DILI, 15 novembru 2021 (TATOLI)— Programa Nasaun Unida ba Dezenvolvimentu (UNDP, sigla Inglés) entrega ekipamentu médiku liuliu ai-moruk ensensiál ba moras krítiku sira ba Ministériu Saúde (MS).

Biban ne’e, Minsitra Saúde, Odete Maria Freitas Belo, agradese ba UNDP tanba apoia makas área saúde liuliu prevensaun COVID-19.

“Apoia ne’e hanesan parseiru ho UNDP hodi apoia ita ba sosa ai-moruk konsumu sira balun no mós reajente sira ne’ebé presiza iha laborátoriu nasionál saúde,’’Ministra Saúde ne’e, hateten ba jornalista-sira iha edifísiu SAMES, kampu-Alór, segunda ne’e.

Governante ne’e informa, ai-moruk hamutuk item 85 ne’ebé halo ona distribuisaun ba Hospitál Nasionál Guido Valadares, Sentru Saúde  Internamentu, Ospitál Rejionál sira hodi aumenta estoke ai-moruk.

Iha biban hanesan, Reprezentante Rezidente UNDP iha Timor-Leste Munkhtuya Altangerel, informa, apoia orsamentu miliaun $5,4, kuaze $5,348,696.01 (99.5%) gasta ba sosa medikamentu sira liuliu item diagnostiku, konsumvél-sira, pasta, ekipamentu, instrumentu, kustu transportasaun ró no kustu serbisu UNDP nian.

Ministra Saúde, Odete Maria Freitas Belo no Reprezentante Rezidente UNDP iha Timor-Leste, Munkhtuya Altangerel akompaña hosi funsionáriu SAMES halo vizita ba armazen SAMES, segunda (15/11). Imajen Tatoli/Francisco Sony

Médikamentu sira ne’e inklui paracetamol 500 grama ho totál 500.000 komprimidu, Diclofenac Sodium 50mg Gastro-Resistant Tablets hamutuk 450.000 komprimidu, natrium diklofenak 25 MG tablet totál 125.000, butilbrometu hioscina 10 mg hamutuk 200.000 komprimidu, amlodipina 10 mg hamutuk 101.000 komprimidus, klorpromazina 100 mg hamutuk 100.000 komprimidus, klopidogrel 75mg ho total 100.000 komprimidu, xarope multivitamína hamutuk 100.000 frasku, amoxicilina 125mg / 5mg  hamutuk 55.000 frasku.

Medikamentu hirak ne’e sosa husi nasaun sira hanesan Bulgaria, Canada, Cyprus, Durbin, Franca, Alemaña, Grecia, India, Polandia, Irlandia, Italia, Holanda, Españano Reinu Unidu.

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here