Membru PNTL sira bainhira hala'o patrullamentu hodi asegura seguransa ba komunidade sira iha area Manleuana, Sesta 8/10/2021.Imajen Tatoli/Antonio Goncalves

DILI, 15 novembru 2021 (TATOLI)— Komandante Jerál Polisia Nasionál Timor-Leste (PNTL), Komisáriu Faustino da Costa, informa, durante selebrasaun loron masakre 12 novembru bad ala-30 no selebrasaun loron juventude, situasaun iha territóriu nasionál la’o normál.

“Durante loron 12 novembru, situasaun jerál iha territóriu nasionál la’o normál tanba membru PNTL fó seguransa másimu,” Komisáriu Faustino, hateten iha Sentru Formasaun Polisia (CFP, sigla portugés), Comoro, segunda ne’e.

Maski, iha insidente balun ne’ebé akontese iha munisípiu Baucau no Dili, maibé PNTL konsege rezolve no situasaun la’o nomál fali.

“Akontesimentu kazu Rama Ambon ne’ebé ida akontese iha Kampun-Alor no iha área Dili laran tanba tanba influénsia hosi faktór rua hanesan joven sira aproveita selebrasaun 12 novembru hodi provoka malu no seluk maka kauza alkól ka tua,” nia informa.

Komisáriu Faustino mós apela ba komunidade iha kapitál Dili labele fi’ar foto ema hana malu ne’ebé ema iresposabilidade espalla iha media sosiál.

“Ha’u klarifika, relasiona ho imajen sira ne’ebé maka ema barak maka hetan hana ne’e imajen imajen antigu nian,” nia fó hanoin.

Daudaun ne’e, Komandu PNTL orienta ona Unidade Espesiál Polísia no unidade seluk atu kontinua halo patrullamentu iha dader, lokraik no tempu kalanatu asegura seguransa iha kapitál Dili.

Jornalista : Natalino Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here