Ministra Solidariedade Sosiál no Inkluzaun, Armanda Berta dos Santos. Imajen/Egas Cristovão.

DILI, 15 novembru 2021 (TATOLI)—Ministéiru Solidariedade Sosiál no Inkluzaun (MSSI) lideradu Armanda Berta dos Santos, prevee $22,727,705 iha Orsamentu Jerál Estadu (OJE) 2022 hodi implementa ba programa inkluzaun sosiál.

Ministra Solidariedade Sosiál no Inkluzaun, Armanda Berta dos Santos, segunda ne’e ho ekipa aprezenta proposta Orsamentu Jerál Estadu 2022 hodi hala’o audiénsia públika ho komisaun F Parlamentu Nasionál.

“Iha 2022, Ministéiru Solidariedade Sosiál no Inkluzaun (MSSI) prevee millauun $22,7 hodi implementa programa boa-governasaun no jestaun instituisional ho programa igualidade jéneru no inkluzaun sosiál,” refere dokumentu livru 2 planu anuál OJE 2022 ne’ebé Agência Tatoli asesu, segunda ne’e.

Hosi orsamentu   $22,727,705 ne’e, aloka ba saláriu vensimentu $1,922,900, bens servisu $4,383,785, kapitál menór $ 218,280, kapitál dezenvolvimentu $1,713,600 no  transferénsia públika $14,489,140.

Orsamentu bazea programa

Hosi orsamentu ne’e sei finansia programa rua, sub-programa 18 no atividade 47.

Programa boa-governasaun no jestaun instituisionál sei gasta $6,194,117 no programa  igualidade jéneru no inkluzaun sosiál sei gasta $16,533,588.

Programa   igualidade jéneru no inkluzaun sosiál ho nia objetivu médiu prazu sistema protesaun sosiál integral no universál integradu atu alkansa protesaun sosiál no redús ki’ak.

Ho ninia sub-programa protesaun solidariedade sosiál no inkluzaun ho nia atividade  monitorizasaun implementasaun seguransa.

Sub-programa protesaun no promosaun direitu ba ema ho defisiénsia ho nia atividade promove direitu ba ema portadora defisiénsia intelektuál, atividade monitorizasaun ba implementasaun ba planu asaun nasionál ba ema ho defisiénsia, atividade promosaun direitu ba ema ho defisiénsia, atividade konsellu nasionál ba ema ho defisiénsia.

No sub-programa realibitasaun no reintegrasaun ba ema ho problema saúde mentál no defisiénsia, ho nia atividade apoiu no resgate ba ema ho defisiénsia mentál iha uma moras mental, atividade empoderamentu no reintergasaun komunitária.

Sub-programa protesaun labarik iha risku no perigu ho nia atividade dezenvolve programa implementasaun polítika no lei protesaun labarik, atividade implementa polítika bem-estar sosiál ba labarik no família.

Sub-programa protesaun direitu labarik ho nia atividade promosaun direitu ba labarik.

Sub-programa sosializasaun no sensivilizasaun ho atividade, sensivilizasaun protesaun direitu labarik to’o ba iha komunidade lokál inklui autoridade militár fronteira.

Sub-programa apoiu veíkulu funerál no kaisaun nia atividade mak atividade apoiu família enlutada, transladasaun mate-isin iha exteriór.

Sub-programa bolsa da mãe nia atividade bolsa da mãe (subsídio de apoio condicional), dadus rejistu no verifikasaun bolsa da mãe.

Sub-programa asisténsia sosiál ka umanitáriu mak fó apoiu umanitária (imediata e atempada),  apoiu emerjénsia família afetadu dezastre naturál.

Sub-programa inkluzaun sosiál mak sei parseira ho instituisaun solidariedade sosiál (ISS) ba protesaun reintegrasaun komunidade no inkluzaun sosiál, partisipasaun iha arte no kultura,  kapasitasaun komunidade no inkluzaun sosiál.

Sub-programa reintegrasaun komunitária ba labarik iha programa ho lei, ba dadur no eis prizoneiru, atividade reintegrasaun LGBTI no idozu abandona, reintegrasaun ba ema-ne’ebé afeta droga no konflitu pasadu iha komunidade.

Sub-programa implementasaun NAP-rezolusaun 1325 (2000) ONU kona-bá WPS ho nia atividade promove inisiativa feto ba pás no koezaun sosiál, implementasaun rekomendasan CAVR “Chega!” relasiona pás no koezaun sosiál.

Sub-programa implementasaun NAP-GBV nia atividade emporamentu ekonomia ba vítima violénsia bazea ba jéneru, monitoriza implementasaun ba uma mahon sira, formasaun jere kazu violénsia bazea ba jéneru, proteze feto no LGBTI iha situasaun hasoru violénsia bazea ba jéneru.

Sub-programa kuidadu no apoiu programa HIV-SIDA ho nia atividade apoiu alimentasaun ba iha uma rekuperasaun saúde.

Sub-programa prevensaun no edukasaun mak sensibilizasaun informasaun kona-ba prevensaun transmisaun virus HIV-SIDA.

Entretantu, programa boa-governasaun no jestaun instituisionál ho nia sub-programa tolu (3) no atividade 16.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here