Membru F-FDTL partsipa iha aniversariu FALINTIL ba dala-46 iha Kuartél Jerál F-FDTL Fatuhada, Dili, sesta (20/8/2021). Imajen TATOLI/António Gonçalves

DILI, 15 novembru 2021 (TATOLI)- Ministériu Defeza (MD) prevee $10,934,731 iha Orsamentu Jerál Estadu (OJE) 2022 hodi sustenta nesesidade institusaun ninian.

Hosi totál orsamentu $10,934,731 fahe ba karegoria saláriu no vensimentu $1,404,635, bens no servisu $6,278,204, kapitál menór $1,761,642 no kapitál menor $1,490,250.

Alokasaun orsamentu ba MD fó prioridade ba programa tolu, sub-programa lina no atividade 21, hanesan porgrama ho kódigu 388 kona-ba defeza nasionál ho alokasaun orsamentu $8,796,389, governasaun di’ak no jestaun institusionál ho kódigu 510 ne’ebé prevee $2,063,461 no programa igualidade jéneru no inklusaun sosiál ho kódigu 980 hetan mós alokasaun $74,881.

“Ministériu Defeza mós iha programa ida mós maka atu halo rekrutamentu ba membru F-FDTL foun iha tinan oin,” Membru Komisaun B, Deputadu  Aderito Hugo, hateten ba Agência TATOLI hafoin ramata audénsia ho Ministru Defeza Filomeno Paixão no  Xefe Estadu Maiór Jenerál FALITNIL-Forsa Defeza Timor-Leste (F-FDTL), Tanente Jenerál Lere Anan Timur, iha Parlamentu Nasionál, segunda ne’e.

Tanba, Deputadu ne’e afirma, OJE 2022 aloka ba F-FDTL hamutuk $25,527,233 atu finansia ba programa tolu, sub-programa lima no atividade 11.

Hosi totál ne’e fahe ba kategoria salariu no vesimentu 10,756,000 no bens no serbisu $14,771,233.

Nune’e, ba programa defeza nasionál alokadu $22,930,372, Governasaun di’ak no jestaun institusionál prevee $2,566,861 no igulidade jéneru no inklusaun sosiál $30.00.

Notísia relevante: Governu planeia rekrutamentu konjunta membru PNTL-F-FDTL

Jornalista : Natalino Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here