Ekipa suku Uataime A no suku Macadique B hasoru malu iha abertura jogu desportivu komunitáriu, segunda (15/11). Imajen TATOLI/Vitorino Lopes da Costa

VIQUEQUE, 15 novembru 2021 (TATOLI)—Ekipa Macadique B manán Uaitame A ho rezultadu 4-2, durante abertura jogu desportivu komunitáriu iha ámbitu komemorasaun Loron Proklamasaun Independénsia ba dala-46 iha loron 28 novembru, iha kampu suku Afaloikai, postu Uatulari, munisípiu Viqueque.

Ekipa Macadique tenta beibeik rede adversáriu, maibé baliza hamate hela de’it bola, nune’e liu tia minutu balun, Jogadór númeru 07 hosi Macadique konsege marka golu ida.

Liu tia minutu 10, Jogadór númeru 09 hosi Macadique marka tan golu ida ba rede adversáriu.

Hafoin susesu hatama golu, Jogadór númeru 09 hasai kamiza iha kampu laran, nune’e árbitru hasai kartaun kinur.

Notísia relevante: Komemorasaun Loron Proklamasaun Independénsia, postu Uatulari realiza jogu desportivu komunitáriu

Nune’e, jogu la’o nafatin to’o minutu 40, Jogadór númeru 11 hosi Uaitame A marka golu ida ba guarda rede Macadique B, ho nune’e, adversáriu kontinua esforsu atu fura rede maibé la konsege.

Nune’e, iha parte dahuluk Macadique B konsege marka golu rua no Uatame A marka golu ida.

Tama iha parte daruak jogu, Jogadór númeru 17 hosi Uaitame A marka golu ida ba rede Macadique iha minutu 47 no liu minutu ida, jogadór númeru 07 hosi Macadique B marka tan golu ida, nune’e iha minutu 75, Jogadór númeru 09 hosi Macadique B marka tan golu ida, ho rezultadu 4-2 to’o jogu ramata.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here