Vise-Ministru Saúde, Bonifácio Maucoli dos Reis. Imajen Tatoli/Francisco Sony

DILI,15 novembru 2021 (TATOLI)— Ministra Saúde, Odete Maria Freitas Belo, informa, kondisaun saúde Vise Ministru Maucoli, daudaun rekupera ona, maibé sei hein prosesu administrativu atu ba check up iha Ospitál Malázia.

“Ha’u, horisehik (14/11), ba vizita Vise Ministru Saúde hodi haree nia kondisaun di’ak no Doutór sira atu fó alta, hodi hein prosesu administrativu atu halo transferensia ba rai li’ur hodi halo chek up,’’ Governante ne’e, hateten ba jornalista sira ba iha armazein SAMES, segunda ne’e.

Notísia Relevante: Vise Ministru Saúde &#8220Maucoli” baixa iha HNGV

Iha biban hanesan, Diretór Klínika Hospitál Nasionál Guido Valadares (HNGV), Marcelino Correira, hateten, daudaun Vise Ministru Saúde nia kondisaun rekuperadu, ne’ebé Doutór sira atu deside fó alta.

Nia dehan, dokumentu transferensia iha ona Diresaun Ospitalar atu halo prosesu administrativa hodi fasilita Vise Ministru ba check up iha ospitál Malázia.

“Agora prosesu iha HNGV hotu ona hein mak prosesu administrativu iha Diresaun Ospitalár, bainhira loos ona mak ita halo transferensia ba rai li’ur,’’ Diretór Klínika ne’e akresenta.

Tuir planu, Vise Ministru Saúde sei transfere ba iha ospitál Iheal Malázia tanba uluk halo operasaun  fuan iha ospitál refere.

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here