Ofisiál ekípa femenina volleyball, Postu Administrativu Venilale, Simson Lethulu. Imajen/ Natalino Belo.

BAUCAU, 14 novembru 2021 (TATOLI)- Ekipa Femenina bola volly hosi postu admistrativu Venilale, Munisípiu Baucau, hakarak harame selebrasaun Proklamasaun Independensia 28 Novembru ba dala-46 liuhosi kompetisaun desportu komunitária.

Ofisiál ekípa vollyball Postu Administrativu Venilale, Simson Lethulur, hateten, hahú prepara jogadór hosi Venilale-oan rasik no balun hosi Dili atu hamutuk kompete iha desportu komunitaria liuliu modalidade bola volley iha loron importante ne’e.

“Objetivu mak halo rame, katak loron boot importante ba Timor oan tomak, manán no lakon ne’e buat seluk, maibe ami-nia esperansa sei to’o iha finál,” Ofisial ekipa vollyball postu Venilale ne’e, hateten ba Agencia TATOLI, iha Baucau, domingu ne’e.

Tanba, ekipa femenina ne’e iha abilidade no tékniku atu kompete ho ekipa ne’ebé de’it iha jogu komunitáriu ne’e.

“Ami tauk de’it mak ekipa ho Vemasse, tanba Vemasse-oan balun uluk eskola iha Venilale, ami koñese jogadór vemase,” Simson hateten.

Entertantu, ekípa vollyball femenina hosi postu administrativu Venilale konsege manán bainhira kontra ekipa hosi postu Quelicai ho skore 3-0 iha Gináziu Villa nova, domingu (14/11).

Molok ne’e, Vise Ministru Admistrasaun Estatál (MAE), Lino Torrezão, hala’o abertura jogu desportu komunitária ho orsamentu $32.000 hosi Sekretária Estadu Juventude no Desportu (SEJD), Abrão Saldanha ‘Nokosiku’.

Desportu Komunitária refere hamutuk modalidade neen hanesan futeból, basketball, vollyball, atletizmu, natasaun no tenis meza hanesan parte hosi komemorasaun loron Proklamasaun Independensia 28 Novembru.

Jornalista  : Natalino Belo

Editór        :  Florencio  Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here