Manifestante juventude lorico asswa’in sira iha semitériu Santa Cruz, Dili, iha tersa (12 novembru 1991). Imajen/Espesiál.

COVALIMA, 13 novembru 2021 (TATOLI)—Prezidente 12 Novembru Munisípiu Covalima, Julio Moniz “Bobo”, hateten maske Estadu rekuñese ona sobrevivente 12 Novembru balun ne’ebé simu ona subsídiu maibé ninia parte uza subsídiu ne’e hodi halo tratamentu ba ninia saúde.

Notísia Relevante: Saudozu Max Stahl ho talentu simples halo mundu nia matan nakloke

“Subsídiu ne’ebé ha’u simu ne’e kada fulan $276 no ha’u labele labele ko’alia dehan sufisiente ka la sufisiente. Laiha hanoin halo buat ruma, tanba subsídiu ne’e uza hodi selu oan sira-nia eskola. Pesoál ha’u-nian, ha’u hanesan sobrevivente ne’ebè ema tortura ha’u, sofre hela moras, bainhira aí moruk iha ospital laiha, ha’u sosa iha klinika privadu, kada fulan gasta osan $146. Entaun, subsídiu ne’ebé ha’u simu ne’e hela de’it $130,” Sobrevivente 12 Novembru, Julio Moniz “Bobo”, informa ba Agência tatoli, sábadu ne’e. 

Iha ninia parte, nia dehan, sente sorte uitoan tanba ninia oan sira forma hotu ona família, nune’e subsídiu hosi Governu ne’e nia ho nia kaben uza ba nesesidade uma laran no halo tratamentu ba saúde.

Nu’udar responsavel násimu Komité 12 Novembru iha Covalima. nia rekuñese katak nia ho kolega balun simu ona sira-nia direitu hosi Governu, maibè nia kolega balun seidauk hetan, entaun nia sei esforsu atu kolega sira seluk mòs bele hetan subsídiu. 

“Ha’u hanesan sai responsavel iha Covalima, sira barak seidauk hetan sira-nia direitu, ami simu ona pensaun. Ha’u sei esforsu, iha tinan 2022 ne’e, kolega sira bele hetan subsídiu nu’udar kombatente libertasaun hosi Komité 12 Novembru,” nia dehan.

Jornalsita : Celestina Teles

Editór      :  Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here