Família Mártir masakre 12 Novembru partisipa komemorasaun loron 12 novembru badala-30, sesta 12 /11/2021.Imajen Tatoli/Antonio Goncalves.

DILI, 12 novembru 2021 (TATOLI)- Prezidente Repúblika, Francisco Guterres Lú-Olo, konsidera, konstrusaun monumentu masakre Santa Kruz 12 Novembru ne’e sei nakfilak ba fatin importante iha roteiru istóriku no turístiku iha Timor-Leste.

“Rate Santa Kruz ho monumentu espesiál ida ba erói no mártir sira sei nakfilak ba fatin importante ida iha roteiru istóriku, turístiku no edukativu ba ema hotu iha rai laran no vizitante sira husi rai-liur,” PR Lú Olo, hateten iha ámbitu komemorasaun loron masakre 12 Novembru ba dála-XXX no komemorasaun loron Nasionál Juventude dala 16, iha semitéiru Santa Krúz-Balide, Sábadu ne’e.

Notísia Relevante: 12 novembru, Governu sei hatuur fatuk dahuluk ba Monumentu 12 Novembru

Tanba, Xefe Estadu dehan, masakre ne’e joven lubuk ida mak mate ka lakon no kanek inklui Kamal Bamadajah mós lakon vida.

Hafoin, restaurasaun independénsia, Estadu tulun inisiativa-sira buka hodi buka tuir mártir sira ne’ebé lakon to’o ohin loron, maibé saudozu balun nia restu mortál la hetan.

Nune’e, Xefe Estadu mós sente susar tebes tanba família sira-nia halerik la konsege hetan saudozu sira-nia restu mortál. Nune’e Governu konstrui monumentu hodi rekoñese no valoriza sakrifísiu saudozu sira nian.

“Ho laran ksolok tebes haree projetu harii monumentu 12 novembru, iha rate Santa Kruz hahú daudaun ona. Ita hein katak monumentu ne’e sei prontu duni iha tinan ida nia laran, ho kualidade diak, molok selebra 12 novembru 2022,” Xefe Estadu espera.

Notísia Relevante: PR fó omenajen espesiál ba saudozu Max Stahl no éroi loriku asuwa’in

Jornalista :Nelson de Sousa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here