Diretór Konservatóriu Servisu Rejistu Notariadu Munis’ipiu Bobonaro, João Mau Pelu. Imagen Tatoli/Sérgio da Cruz.

DILI, 11 novembru 2021 (TATOLI) — Mákina ho tipu fargo ne’ebé prodús Billete Identidade (BI) iha munisípiu Bobonaro avaria dezde 2017 no oras ne’e prodús de’it ho surat-tahan.

“Durante ne’e ami buka alternativu atu atende ba ita-nia aplikante sira trata Billete Identidade, ba sira-ne’ebé atu sai ba estranjeiru, hatama vaga no estudu ami só fó de’it mak surat-tahan mutin, modelu BI maibé ne’e surat-ahan mutin hanesan fotokópia de’it mak ami fó ba sira,” Diretór Konservatóriu Servisu Rejistu Notariadau Munisípiu Bobonaro, João Mau Pelu, informa ba Agência TATOLI, kinta ne’e.

Diretór ne’e fó-sai katak, mákina ho tipu fargo ne’ebé atu print out ne’e avaria  dezde 2017 to’o agora no gorvernu sedauk halo subtituisaun hodi atende komunidade sira hetan kartaun orijinál.

Ne’e duni hosi janeiru to’o outubru Notariadu Bobonaro prodús BI hamutuk 2,031, balu orijinál no ida surat-tahan ne’e rihun ida resin.

Durante ne’e Diresaun Notariadu Muinisípiu Bobonaro buka meiu koordena ho diresaun munisípiu liquiçá niab, fó dukumentu rename kedas ba print out munisípiu refere, maibe iha fulan kotuk makina Fargo iha Munisípiu Liquiçá mós avaria.

“Obrigatoriu tenke mantein prodús BI ho surat-tahan mutin, hodi hein Governu halo subtituisaun,” nia katak.

Hatama reseita rihun $5-resin

Diresaun Konservatóriu Servisu Rejistu Notariadau (DMKSRN) Munisípiu Bobonaro ne’e hatama reseita $5.125 ba kofre estadu.

Diretór DMKSRN Munisípiu Bobonaro, João Mau Pelu, informa reseita hirak-ne’e rekolla trismestre dahuluk to’o trimestre dahaat tinan 2021 liuhosi atendimentu pasaporte ba komunidade na’in-88 iha munisípiu refere.

“Iha trimestre dahuluk ita halibur $1.675, daruak hamutuk $675 de’it, datoluk nia $1.425 no trimestre dahaat foin tama iha fulan dahuluk rekolla $1.350 no totál mak $5.125 ,” nia informa ba Agência TATOLI, iha Maliana, kinta ne’e.

Pasaporte hirak-ne’e ho kategoria tolu mak hanesan, pasaporte normál ho kustu $50 prosesu durante loron 10, pasaporte prosesu loron tolu ho kustu $75 dolar no pasaporte urjente $100 prosesu loron ida foti kedas.

Jornalista         : Sérgio da Cruz

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here