Vise-Ministru Admistrasaun Estatal (MAE), Lino de Jesus Torrezão, hala’o abertura jogu desportu komunitária iha kampu Triloka, sesta (12/11). Imajen Tatoli /Natalino Belo.

BAUCAU, 12 novembru 2021 (TATOLI) – Komisaun Organizadora Nasionál ba selebrasaun loron Proklamasaun Independénsia 28 novembru ba dala-46 enkoraja entidade hotu atu fó sussesu ba kompetisaun jogu komunitária iha munisípiu Baucau.

Vise-Pezidente Komisaun Organizadora Nasionál ba 28 Novembru atuál Vise-Ministru Admistrasaun Estatal (MAE), Lino de Jesus Torrezão, ohin halo abertura desportu komunitária iha loron espesial loron 12 novembru no preparasaun atu  selebra loron 28 novembru.

“Ita hein, abertura ida-ne’e bele to’o iha 28 ovembru foin taka ho sussesu atubele hetan pás no domin,” Vise MAE hateten iha kampu futeból suku Triloka, sesta ne’e.

Razaun governu deside selebrasaun loron 28 Novembru realiza haleu iha munisípiu hotu tanba uluk iha tinan 1975 povu hotu hatene de’it mak hasa’e bandeira iha Pálasiu Governu tanba laiha mídia nune’e laiha koñesimentu saida mak proklamasaun unilaterál 28 Novembru nian.

Nune’e, mak governu planu atu haleu Munisípal hotuhotu atu povu hatene depois sente 28 Novembru hanesan loron espesiál ba proklamasaun independénsia unilaterál independénsia Timor-Leste nian.

“Ho ida-ne’e mak ita hotu-hotu hatene funu ba libertasaun nasionál ne’e naruk no funu ne’ebé la hanesan ho nasaun seluk, la’ós prémiu ne’ebé oferese d’eit,” Lino hateten.

Purtantu, Koordenadór Ekipa Postu Administrativu Quelicai atuál Xefe Suku Laisorulai de BaixO, Cipriano Cabral, prontu kolabora atu fó sussesu jogu desportu komunitÁria entre ekipa hosi postu admistrativu hodi selebra loron 28 novembru iha Baucau.

“Ha’u espera katak unidade seis bele sai vensedór iha kompetisaun loron 28 novembru tinan ida-ne’e,” nia katak.

Notísia relevante:Aban, abertura jogu komunitária iha Baucau

Jornalista         :Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here