Pesoál saúde prepara vasina Pfizer molok halo imunisasaun ba estudante sira, kinta (11/11). Imajen TATOLI/António Gonçalves

DILI, 12 novembru   2021 (TATOLI)—Sala Situasaun, Sentru Integradu Jestaun Krize (CIGC,sigla portugés) relata, ohin,  kazu detetadu foun la iha , rekuperadu  ida no kazu ativu 12.

”Kazu detetadu foun ohin laiha,” Koordenadór Forsa-Tarefa ba Prevensaun no Mitigasaun, Rui Maria de Araújo, hateten liuhosi nota ne’ebé Agência TATOLI asesu sesta ne’e.

Notísia Relevante: COVID-19: kazu pozitivu rua no ativu 13

Nune’e, hahú 21 marsu 2020 to’o 12 novembru 2021 iha kumulativu kazu konfirmadu 19.809 no óbitu 122.

Hosi horisehik mai ohin, Laboratóriu Nasionál Saúde haloteste PCR 17, kompostu vijilánsia sentinela rua, rastreiu ba kontaku haat, rastreiu aleatóriu 10, viájen internasionál na’in-ida , follow up iha kuarentena laiha.

Alende ne’e, totál teste PCR ne’ebé halo iha 11 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 130, hanesan Maubisse haat Maliana lima, Viqueque laiha, Suai 20, Baucau 36, Ermera laiha, RAEOA 10, HNGV  55, Lautém laiha, Vera Cruz  laiha.

Populasaun elijível tinan 18 ba leten, ne’ebé simu ona vasina to’o iha loron 12 novembru, tuir sistema informasaun Saúde iha Ministériu Saúde, hanesan kumulativu 1ª doze iha Dili (84,0%) no kumulativu 2ª doze iha Dili (74,5%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 77,2% no simu ona doze daruak 51,8%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante, enkuantu ba deit munisípiu Dili 0,4/100 mil abitante.

Iha loron 12 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in-rua, moderadu la iha no kaman na’in-rua.

Notísia Relevante: Vasina doze daruak iha territóriu nasionál atinje ona 51%

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here