Konkorente Diskursu Públiku, Alda Maria Salchina. Imajen Tatoli/Francisco Sony

DILI, 11 novembru 2021 (TATOLI)—Sekretária Estadu Juventude no Desportu (SEJD), kinta ne’e realiza kompetisaun diskursu públiku hodi komemora Loron Nasionál Juventude ba dalaXVI ho tema “Ho esperitu assw’ain 12 novembru, juventude sai autór importante ba projete TimorLeste hosi COVID19”.

VisePrezidente Komisaun Selebrasaun Loron Nasionál Juventude, Vicente da Silva António, hateten objetivu hosi atividade kompetisaun diskursu públiku ne’e atu kompleta ba selebrasaun loron nasionál juventude no mós komemorasaun loron Masakre Santa Cruz.

Ekipa Juri hosi Sekertáriu Estadu Joverntude Desportu (SEJD) realiza kompetisaun diskursu públiku ba joventude sira ho tema “Ho esperitu asswa’in 12 novembru nian, joventude sai autór ba proteje Timor-Leste hosi COVID-19” iha Jardin Motael, Dili, kinta (11/11). Imajen Tatoli/Francisco Sony.

“Iha atividade diskursu públiku ne’e, ita foti sai hanesan mekanizmu ida atu bele haree iha selebrasaun eventu sira, juventude mak tenke sai hanesan pertensia ba selebrasaun ne’e. Tanba ne’e, iha atividade sira ita hakarak maioria hosi juventude sira, atu sira bele ezerse sirania an, atu nune’e ita bele haree katak poténsia juventude sirania sai hanesan sasukat ida katak ba oin ita fiar iha itania nasaun ne’e bele forte liután,” Vicente da Silva António hateten ba jornalista sira iha Jardin Motael, Dili.

Nia hateten, haree ba situasaun agora sidadaun tenke kontribui makaas ba Estadu no Governu, liuhosi asaun konkreta sira-ne’ebé bele kontribui ba dezenvolvimentu nasionál.

“Itania asaun konkreta ne’ebé bele halo, hanesan mantein protokolu no halo asaun pozitivu sira, nune’e bele kontribui no prevene COVID19 iha TimorLeste,” nia dehan.

Prezidente Juri, Alexandra de Araujo Tilman, hateten kritéria ba kompetisaun diskursu públiku ne’e ekipa juri ka’er kritériu tolu ne’ebé sai hanesan matadalan ba diskursu mak maneira aprezentasaun, metodu no matéria.

“Parte hirak ne’e iha nia sanak rasik, hanesan sira tenke iha koñesimentu ba emosaun no sira tenke hatene pergunta xave, faktus, estátika ba dadús no analiza estudu relevante ho faktu ne’e tenke iha, konseitu filozofiku hosi emosaun ne’ebé sira rasik kria, iha sirania temátiku,” nia dehan.

Hosi ne’e, sira mós tenke hatene sistemátiku aprezentasaun iha palku leten, hanesan jestaun tempu.

Alende ne’e, iha mós vestuáriu hanesan maneira hamriik iha palku leten, vokál, utilizasaun língua, kontaktu matan no oins’a jestu iha palku leten.

Konkorente sira hein hela atu tuir kompetisaun diskursu públiku ho tema “Ho esperitu asswa’in 12 novembru nian, joventude sai autór ba proteje Timor-Leste hosi COVID-19” iha Jardin Motael Dili, kinta (11/11). Imajen Tatoli/Francisco Sony.

Kompetisaun diskursu públiku ne’e organiza hosi komisaun organizadóra hamutuk ualu (8) kompostu hosi Konsellu Nasionál Juventude Timor-Leste (CNJTL-sigla portugés), Comoro Child and Youth Center (CCYC), Asosiasaun Defisiénsia Timor-Leste (ADTL), Aliansa Nasionál Kontrolu Tabaku Timor-Leste (ANCTL-TL, sigla portugés), Sentru Juventude Becora, Uniaun Nasionál Eskuteiru Timor-Leste (UNETL), Juventude Hadomi Natureza (JHN) no Cruz Vermelha Timor-Leste (CVTL).

Entretantu, iha kompetisaun ne’e, partisipante hamutuk 35 ne’ebé mai hosi Estudante universitáriu no juventude en jerál.

Iha kompetisaun ne’e, mananna’in dahuluk sei hetan orsamentu ho totál $200, mananna’in daruak sei hetan $150, manana’in datoluk sei hetan $100 no mananna’in dahaat sei hetan $75.

Jornalista : Nelia Fernandes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here