Prosesu konstrusaun UKL iha munisípiu Viqueque. Imajen TATOLI/ Vitorino Lopes da Costa

VIQUEQUE, 11 novembru 2021 (TATOLI)–Progresu konstrusaun Uma Kbiit Laek (UKL) iha aldeia Kaiwalita, suku Afaloikai, postu adiministrativu Uatucarbau, munsípiu Viqueque atinje ona 15%.

“Progresu uma UKL iha ha’u-nia suku, uma rua maka foin atinje 15% no uma ida foin hatama materiál tau pondasi uma nia. Tanba iha difikuldade ho mudansa klimátika iha agostu to’o outubru, ne’ebé udan sai difikulta ba transporte lori materiál ba fatin konstrusaun,” xefe suku Afaloikai, Agustino Pinto, hateten, ba Agência TATOLI, iha suku Irabin de Baixu, kinta ne’e.

Notísia relevante: Progresu konstrusaun UKL 108 iha suku 36 Viqueque

Tuir Agustinho, daudaun ne’e kontrusaun la’o di’ak maibé difikuldade maka estrada ne’ebé liga ba suku Afaloikai iha tempu udan ho kondisaun grave tebes. Tanba ne’e, fornesedór sira susar hatama materiál konstrusaun.

“Maski kondisaun estrada a’at, maibé nafatin eziji kompañia fornesedór sira atu hatama lalais materiál, tanba agora tama fali tan ba bailoron, entaun bee maka laiha tan, ne’ebé ho kestaun sira ne’e maka sai difikuldade ba ami,” nia akresenta.

Maski nune’e, konstrusaun la’o daudaun maibé bee maka sai difikuldade ba badaen sira hodi halo konstrusaun uma.

Fornesedór matéria ba kontrusaun UKL iha suku Afaloikai husi kompañia Osolari Lda kaer uma ida no Waidari, Lda responsabel ba uma rua

Dadaun ne’e, fornesedór kompañia Osolari Lda, hatama ona materiál fábrika no naun fábrika 75% no materiál fábrikano lokál ba uma rua 25%.

Benefisiáriu UKL hosi suku Afaloikai maka hanesan Afonso de Jesus, Manel da Costa no Helina Pinto.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here