Manifestante 12 Novembru 1991 ne’ebé sai vítima iha Masakre Santa Cruz ne’ebé militár Indonézia detein iha Semitériu Santa Cruz nia laran. Imajen/Espesiál.

COVALIMA, 11 novembru 2021 (TATOLI)—Prezidente Komité 12 Novembru Munisípiu Covalima, Júlio Moniz Bobo, hateten ba estudante no joven sira iha Covalima katak Masakre 12 Novembru 1991 ne’e, manifestante feto sira mak terus liu mane sira. 

Notísia Relevante: Juventude Covalima sei komemora masakre 12 novembru ho ‘kalan reflesaun’

“Iha momentu akontesementu, ami sira-ne’ebe iha semitériu Santa Kruz laran nakonu ho mata-been atu tanis, tanis la diak. Atu hamnasa, labele hamnasa tanba iha loron manas nia laran, inimigu tiru mate juventude sira. Ba ami ne’ebe mak moris, inimigu sira kastigu ami, kolu no hasai ami nia roupa nomós inimigu sira viola ita-nia inan feton sira. Iha momentu ne’eba no inimigu ko’alia ho lian Indonézia ba ami dehan anjing seperti kalian mau merdeka, tapi kalian lihat dulu kalian punya perempuan yang kami perkosa ini,” Prezidente Komite 12 Novembru Munispiu Covalima, Julio Moniz Bobo, konta istória bainhara sai oradór iha semináriu iha âmbituu komemorasaun Masakre 12 Novembru ba dala-XXX, iha salaun Uma Feto, Santa Rosa, kinta ne’e. 

Nia dehan, ohin loron timor-oan sira kontente no hakmatek tanba juventude lorico asswa’in 12 de Novenbru 1991 nia luta, sai hanesan pontu nakfilak ba istória funu naruk akontese iha Timor-Leste.

Ohin loron ita kontente no hakmatek hodi konta istória ba malu maibé hanoin hikas loron masakre 12 Novembru 1991 ne’ebè loron tristeza ho juventude asswa’in nia mate mak tbele loke mundu nia matan,” nia informa. 

Tanba ne’e, nia fó onra ba família no ba inan-aman sira-ne’ebè mak fakar raan hodi sosa ukun rasik an tanba sira mate hanesan balada fuik.

Sobrevivente Masakre 12 Novenbru 1991 kiha munisípio Covalima hamutuk na’in-80 ne’ebè balun hela iha Dili no barak mak hela iha Covalima.

Nia husu ba juventude sira atu valoriza éroi ne’ebé mate iha tinan 1975 no masakre 12  Novenbro 1991 mai to’o 1999, mate restu no veteranu sira-ne’ebè sei moris.

Jornalista : Celestina Teles

Editór     : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here