Manifestante 12 Novembru 1991 manifesta povu Timor-Leste nia aspirasaun iha semitériu Santa Cruz, Dili. Imajen/Espesiál.

COVALIMA, 11 Novembro 2021 (TATOLI)—Sekretáriu Administrasaun Munisípiu Covalima, Francisco Alves, husu joven sira atu valoriza sobrevivente no éroi 12 Novembru 1991 sira-nia luta.

Notísia Relevante: Masakre 12 Novembru hanesan fatór determinante loke mundu nia matan

“Husu ba joven sira atu valoriza nafatin ita-nia éroi 12 Novembru sira-nia luta, tanba nasaun ida-ne’ebè boot tenke dignifika ita-nia éroi sira. Ita tenke kaer metin tanba aban ita komemora masakre 12 Novembru ba dala-XXX, hodi hanoin hikas éroi sira- ne’ebè fó sira-nia vida hodi lori Timor ba ukun rasik an. Ohin loron, ita bele goza iha nasaun ida-ne’e, ita bele halo buat hotu livre tuir ita-nia hakarak,” Francisco Alves hateten liuhosi nia diskursuu bainhira partisipa iha semináriu ho tema “Komemorasaun Masakre Santa Cruz ho Espíritu Asuwain 12 Novembru Nian, Juventude Sai Autor Importante ba Proteje Timor-Leste hosi COVID-19”, iha salaun Uma Feto, kinta ne’e 

Juventude loriku asswa’in sira la’ós atu kontinua nafatin, maibé kontinua hosi juventude agora lahó kilat-musan atu dignifika líder sira, no joven sira agora tenke estuda makaas atu kontinua sira-nia luta. 

Juventude mileniál sira-nia luta ba ohin loron nian mak badianas ba eskola, estuda, hasoru malu hodi hamosu ideia foun atu halo dezenvolvimentu iha Timor-Leste tanba joven sira agora iha ona fasilidade atu fasilita joven sira luta iha tempu modern. 

“Ita-nia inan aman ho ita-nia tiun sira luta ho laiha fasilidade ba sira maibé sira nia hanoin boot. Ohin loron, ita iha fasilidade, imi la aproveita oportunidade, imi sei lakon iha tempu ida-ne’e, hodi dignifika éroi no mate-restu sira-ne’e,” nia dehan.

Komandante eskuadra PNTL Suai Vila, Cesilia de Jesus, hateten ohin partisipa iha semináriu ida-ne’e atu rona istória hosi sobrevivente 12 Novembru sira-ne’ebé uluk envolve no luta liuuhosi manifestasaun pasifiku.

“Ita-nia autór juventude sira oras ne’e daudaun ita sei rona hodi tau iha ita-nia fuan no laran sai juventude ne’ebè di’ak la hanesan juventude asswa’in 12 Novemrbu iha tempu pasadu,” nia hateten. 

Atu hanoin hikas hodi komemora Masakre 12 Novembru, ohin rona direta istória hosi sobrevivente 12 Novembru, hodi konta sira-nia istória atu fó lisaun ba jerasaun foun sira atu eprende.

Semináriu ne’e aprzenta oradór sira mai hosi sobrevivente 12 Novembru, Júlio Moniz Bobo apresenta matéria kona-ba transmite espiritu Asaua’in hodi dignifika juventude sira-nia luta ba ukun rasik an.

Vise-Prezidente Konsell Veteranu Munisípiuu Covalima, Osório Soares Mausoko, aprezenta matéria kona-ba promove juventude sai autó importante ba dezenvolvimentu nasionàl no valoriza espiritu Asswa’in 12 Novembru.

Ditetór Saúde Munisípiu Covalima aprezenta matéria kona-ba juventude sai autór hodi proteje Timor-Leste hosi COVID-19 no Prezidente konsellu Munisípiu Covalima aprezenta matéria kona-ba polítika nasionál juventude, vantagem no dezvantajen iha prosesu dezenvolvimentu Nasionàl.

Seminário ne’e partisipa másimu hosi Sobrevivente 12 Novembru Covalima, estudante Ensinu Sekundáriu Jerál, Eskola Tékniku Vokasinál nomós juventude sira. 

Jornalista : Celestina Teles

Editór        : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here