Ajente Téknika Atendimentu Públika SERVE,IP Sukursál Bobonaro, Maria das Dores Pereira. Imajen Tatoli/Sérgio da Cruz.

BOBONARO, 10 novembru 2021 (TATOLI) — Servisu Rejistrasaun no Verifikasaun Emprezariál, Institutu Públika (SERVE,IP), sukursál munisípiu Bobonaro, hahú hosi janeiru to’o outubru hatama reseita $6,020.15 ba kofre estadu liuhosi fonte atividade rejistu komersiál.

Ajente Téknika Atendimentu Públika SERVE,IP Sukursál Bobonaro, Maria das Dores  Pereira, informa reseita hirak-ne’e kontribui mai hosi negosiante no emprezáriu sira-ne’ebé halo renovasaun no altera dukumentu, sertidaun rejistu komersiál, sertifikadu rejistu komersiál, autorizasaun lisensa negósiu, abervamentu no legalizada.

“Reseita ne’ebé ita halibur durante fulan 10 hosi janeiru nian $76, fevereiru $917, marsu $86, abríl $102, maiu $639, juñu $901, julu $427, agostu $959, setembru $959 no fulan-outubru maka $684,15 ninia totál mak $6.020,15,” nia informa ba Agência TATOLI, iha kna’ar-fatin, kuarta ne’e.

Nia haktuir, reseita sira-ne’e SERVE,IP rekolla menus liu mak iha fulan-setembru no  abríl tanba governu impoin serka sanitária iha munisípiu Bobonaro.

“Durante períodu Covid-19 no Loockdown dukumentu ka sertidaun ne’ebé liu ona data validade sei bele moris bainhira ita-nia situasaun normál mak mai halo renovasaun, maibé iha mós ita-nia kliente hamutuk 30 mak até agora seidauk mai foti sira-nia sertifikadu autorizasaun atividade negósiu,” nia akresenta.

Dezde Governu estabelese SERVE,IP sukursal Bobonaro iha 2018, komunidade barak mak iha inisiativa halo rejistu foun, loke lisensa ba atividade negósiu no empreza, nune’e hahú iha janeiru to’o outubru SERVE,IP simu rejistu foun ba negósiu ho sosiedade ka kompañia 156 ho tipu oin tolu.

Negosiu ho tipu emprezariu em nome individuál ka Enin hamutuk 177, kompañia ho tipu Unipesoal por quotas limitada ka  Lda hamutuk 31, kompañia ho tipu sosiedade por quota limitada ka Lda hamutuk ualu (8).

Jornalista         : Sérgio da Cruz

Editor               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here