Sobrevivente Masakre 12 Novembru 1991, Sergio Marques ‘Amali’ tr hela iha semitériu Santa Crus bainhira militár Indonézia tiru namanas jvende lorico asswa’in ne’ebé halo manifestasaun iha tempu ne’ebá. Imajen/Espesiál

DILI, 10 novembru 2021 (TATOLI)–Sekretáriu Jerál (Sekjer) Resistência Nasional dos Estudantes Timor-Leste (RENETIL), Joaquim Fonseca husu ba jerasaun foun sira atu halo reflesaun ba tinan 30 Masakre Santa Cruz, atu nune’e bele prepara-an hodi kontribui ba dezenvolvimentu nasionál.

“Jerasaun foun tenke halo refresaun ba masakre no esforsa-an dezenvolve rai ne’e, labele sai de’it parte ida hosi problema, nu’udar juventude tenke rona no buka hatene istória saida maka jerasaun uluk halo ona. Esperiénsia moruk ba luta libertasaun iha Masakre Santa Cruz 12 novembru 1991 iha Simitériu Santa Cruz ne’e hatudu ba timor-oan hotu,” Joaquim Fonseca hateten ba Agência TATOLI, via telefónika, kuarta ne’e.

Notísia relevante: Masakre Santa Cruz hanesan lisaun ida ba jerasaun foun sira

Nia haktuir, juventude loriku asuwa’in iha momentu ne’ebá sai hosi uma la hatene saida mak sei akontese ba sira no iha determinasaun atu hatudu ba mundu katak Timór nia problema seidauk hotu, maibé bainhira sira to’o iha Simitériu Santa Cruz, inimigu armadu hein ona no halo ataka, ikus mai joven barak lakon vida momentu ne’ebá.

“Ita-nia juventude loriku asuwa’in lubuk ida mak hatudu sira-nia determinasaun hodi hamutuk liberta no hasai inimigu hosi rai ida-ne’e,” nia akresenta.

Biban ne’e, Joaquim Fonseca enkoraja jerasaun foun estuda ho badinas, envolve-an ativu iha grupu diskusaun, no halo krítika konstrutivu atu ajuda dezenvolve rai ne’e.

“Maibé Governu labele taka matan, tenke fó apoiu ba jerasaun foun sira hodi fó fatin ba sira atu dezenvolve-an no tenke rona sira, tanba preokupasaun juventude presiza konsidera,” Sekjer RENETIL fó hanoin.

Jornalista : Tomé Amado

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here