Imajen/geoogle

DILI, 09 novembru 2021 (TATOLI)– Ekipa AD Samoro susesu iha nia jornada 20 kontra Baucau All Star ho rezultadu ikus manan ho skore 5-2, iha jogu Pra Liga Futsal Timor-Leste ne’ebé hala’o iha kampu FALINTIL-Forsa Defeza Timor -Leste (F-FDTL),Fatuhada-Dili, tersa kalan.

Hosi rezultadu ne’e lori Samoro tuur nonook iha pozisaun zona modok ho pontu 36, enkuantu Baucau All Star nafatin tuur iha zona mean ho pontu 12.

Jogu ne’e, hala’o iha minutu primeiru ekipa rua lansa kontra no atake ba malu hodi buka konkista vitória.  Nume’e, iha minute tolu de’it jogadór Baucau Devino Soares halo ona golu muda rezultadu ba 1-0

Iha minutu 19 Samoro la husik de’it rezultadu sai nune’e, tenta halo kontra no atake makas, nune’e iha minute ida jogadór Agripino Ximenes lansa golu hodi muda rezultadu ba 1-1.

Golu ne’e hanesan golu ikus iha minutu primeira parte to’o jogu termina laiha tan golu ruma mak akontese.

Hakur ba segunda parte ekipa rua nafatin hatudu sira nia konsisténsia jogu hodi hala’o jogu ho kalma, nune’e iha minute 25   jogadór Samoro Agripino Ximenes hatama tan golu ida muda rezultadu ba 2-1.

Jogu sai manas liután nune’e Samoro iha vontade jogu ne’ebé makas hodi hatama golu tutuir malu de’it iha minute 35 Agripin halo tan golu ida muda skore 3-1, no mós iha minutu 36 inklui 37 Andika Santos lansa tan golu muda rezultadu ba 5-1.

Golu ne’e halo Baucau tenke servisu makas atu halo empate jogu, maibé labele tanba forsa Samoro makas liu, nune’e iha Minutu 40 hanesan minute ikus Mario Fernandes halo golu ikus hatur rezultadu ba 5-2 to’o jogu termina.

Notísia Relevante: Kablaki “sofre” golu hitu kontra Samoro

Jornalista  : Hortencio Sanchez

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here