Prezidente CNE, José Agostinho da Costa Belo. Imajen Tatoli/Francisco Sony.

DILI, 10 novembru 2021 (TATOLI)—Komisaun Nasionál Eleisaun (CNE, siglá protugés) husu adisionál rihun $900 iha Orsamentu Jerál Estadu (OJE) 2022.

“OJE 2022 ita iha millaun $1-resin foku ba preparasaun eleisaun prezidensiál no sira seluk maibé orsamentu la sufisiente, nune’e husu tan adisionál rihun $900 hodi responde liu-liu ba ekipamentu hanesan printer, komputadór hodi halo kontajen no apuramentu nasionál,” Pezidente CNE, José Agostinho da Costa Belo, hateten ba jornalista sira bainhira halo audénsia públika ho Komisaun A iha Parlamentu Nasionál, kuarta ne’e.

Iha audénsia públika ne’e, hosi parte CNE hato’o ba deputadu sira atu bele konsidera ba proposta hodi bele debate iha plenária parlamentár.

CNE relata mós ezekusaun OJE 2021 ne’ebé atinje ona 57% no mós preparasaun eleisaun prezidensiál nian ne’ebé daudaun ne’e la’o hela no preparasaun sira.

Tuir dokumentu livru 2 planu annual OJE 2022, Komisaun Nasionál Eleisaun (CNE, siglá protugés) prevee $8,029,206 hodi aloka ba saláriu vensimentu $86,488, bens servisu $1,142,718, kapitál menór, kapitál dezenvolvimentu laiha, transferénsia públika $6,000,000.

Hosi orsamentu ne’e atu finansia ba programa ida, sub-pograma lima no atividade 11.

Orsamentu bazea programa

Programa boa-governasaun no jestaun instituisional ho objetivu médiu prazu (outcome) eleisaun implementasaun eleisaun tuir lei ho efisiénsia.

Sub-programa supervizaun no rejistu sidadaun no operasaun eleitorál ho nia atividade mak koordena ho instituisaun relevante no rezultadu eleisaun, nafatin ho atividade koordenasaun ho instituisaun relevante iha rezultadu eleisaun.

Sub-programa edukasaun sivíka nia atividade konduta no programa sívika organizadu, atividade realiza debate públiku.

Sub-programa projeta, implementa lei eleitorál no monitoriza komformidade ninia atividade mak treinamentu kompulsóriu ba lidér nasionál, atualiza baze dadus partidu polítiku.

Sub-programa rekursu umanu prestasaun servisu ho nia atividade jestaun rekursu.

Sub-programa jestuan instituisionál nia atividade jestaun finanseira, administrasaun no lojístika, atividade planeamentu monitorizasaun no estatístika, jestaun rekursu umanu, aprovizionamentu jestaun kontratu.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here