MEJD hala’o sensibilizasaun programa aprendizajen distánsia ba dirijente eskola sira iha RAEOA. Imajen Tatoli/Abílio Elo Nini.

OÉ-CUSSE, 10 novembru 2021 (TATOLI) — Ministériu Edukasaun, Juventude no Desportu (MEJD), kuarta ne’e sensibiliza programa aprendizajén distansia ka eskola ba uma ba dirijente eskola no autoridade edukasaun iha Rejiaun Administrativa Espesiál Oé-Cusse Ambeno (RAEOA).

“Ami mai halo sensibilizasaun ba manorin na’in sira, daudaun ne’e ami-nia trajetu ba iha dirijente eskola sira, diretór no koordenadór eskola, atubele hatene loloos programa ida-ne’e, tanba durante Governu suspende eskola, prosesu aprendizajén prezensiál la realiza, entaun liuhosi programa ne’e maka sei tulun ita-nia oan-sira,” Diretora Jerál Polítika Planu Inkluzaun no Impresaun, Odilia Martins, informa ba Agência Tatoli iha salaun Alfândega, Palaban, Oé-Cusse.

Nia fó sai katak, daudaun ne’e MEJD estabelese ona biblioteka online, ne’ebé envolve hotu matéria bazea ba kurríkulu , nune’e fasílita monorin na’in no estudante sira bainhira akontese udan, aproveita bele loke internete hodi asesu uza ba estuda nian.

Sekretária Rejionál ba Asuntu Edukasaun Solidariedade sosiál no Inkluzaun, Avelina da Costa, agradese ba Governu Sentrál liuhosi MEJD tanba fasílita manorin na’in no estudante sira bele asesu materia eskola liuhosi televizasun no liña internete.

“Ami (dirijente) edukasaun apresia ho programa ne’e, tanba ajuda tebes manorin sira, atu oinsá bele hala’o prosesu aprendizajen iha situasaun pandemia COVID-19, entaun opurtunidade ita bele koñese oinsá hetan nia link tuir disiplina sira ne’ebé MEJD instala ona iha liña internete no televizaun,” autoridade ne’e orgullu.

Entretantu, totál profesór iha RAEOA hamutuk na’in-869 komposta hosi permanente na’in-450, kontratadu na’in-369.

Nune’e mós EBF hamutuk 71, EBC 20, ESG públiku no privada hamutuk lima (5), eskola téknika vokasionál haat (4) no eskola pre-eskolár 14. Nune’e totál eskola iha RAEOA hamutuk eskola 114.

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here