Diretór CLN, Jacinto Paijo. Imajen TATOLI/Vitorino Lopes da Costa

VIQUEQUE, 10 novenbru 2021 (TATOLI)—Kompañia lokál hamutuk 332 daudaun ne’e hahú ona submete produtu lokál hanesan foos no batar ba Sentru Lojístika Nasionál (CLN, sigla portugés).

“Inisiativa ne’e hodi responde ba programa Governu, ne’ebé atu fahe hahán ba funsionáriu sira,” Diretór CLN, Jacinto Paijo, hateten ba Agência TATOLI, iha postu administrativu Uatucarbau, kuarta ne’e.

Tuir Dirijente ne’e, programa agora ne’e hanaran kompra produtu lokál hosi grupu agrikultór sira atu asegura orsamentu bele sirkula iha rai-laran.

“CLN jere kompra produtu lokál ho orsamentu retifikativu hamutuk miliaun $12, pelumenus balun hela iha Timór iha prioridade ba produtu lokál, nune’e bele istimulu grupu agrikultór no empreza sira hadi’a ekonomia. Meiu barak maka ami halo atu motiva agrikultór sira hodi hasa’e produsaun no Governu aprova ona subsídiu ai-han produtu lokál ba ajente Estadu,” nia akresenta.

Notísia relevante: Governu kria subsídiu mensál transporte ba funsionáriu administrasaun públika

Presu batar mínimu kilógrama ida $0,40 to’o $0,50 no presu foos kilógrama ida $1, ne’ebé grupu agrikultór submete ba kompañia kilógrama ida $1,25.

“Tanba ne’e, grupu agrikultór sira presiza hasa’e produsaun tanba daudaun merkadu garantia ona,” nia enkoraja.

Governu prepara ona armazen tolu iha Natarbora, Baucau no Liquiçá hodi rekupera ekonomia.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here