Imajen/Geoogle

DILI, 09 novembru 2021 (TATOLI)– Ekipa Gamer FC susesu iha nia jornada 20 hodi “lolo” nia adversariu Crazy Horse FC ho skore 3-2, iha jogu kontinuasaun Pra Liga Futsal Timor-Leste ne’ebé hala’o iha kampu FALINTIL-Forsa Defeza Timor-Leste (F-FDTL), Fatuhada-Dili, tersa kalan.

Vitória ne’ebé Gamer hetan lori ekipa ne’e tuur hakmatek iha zona modok, hodi hein de’it atu utrapasa ona ba Primeira Divizaun ho pontu hamutuk 32, enkuantu Crazy Hourse mantein iha pozisaun mean ho pontu 14.

Jogu hahú ekipa rua tenta hatudu tékniku no abilidade jogu ba malu hodi buka atu hatama golu hodi hetan vitória.

Kontra no atake hirak ne’e fó de’it rezultadu di’ak ba Gamer tanba iha forsa ne’ebé makas kompara ho Crazy Horse.

Nune’e, Jogu la’o to’o minutu 11, jogadór Gamer, Francisco Pereira halo ona golu ida hodi muda rezultadu ba 1-0. Golu ne’e hanesan golu ikus iha minutu primeira parte no laiha tan golu ruma mak akontese.

Dolar ba segunda parte ekipa rua nafatin mantein ritmu jogu ho kontra no atake ba malu, nune’e iha minutu 24, jogadór Gamer Efrem Alegria halo tan golu ida muda skore 2-0.

La’ós ne’e de’it tanba forsa Gamer nian makas liu iha kampu laran jogadór David Pereira halo tan golu ida iha minutu 27 hametin rezultadu ba 3-0.

Golu rua hosi Crazy Horse prodús hosi jogadór Dion Alves iha minutu 28 no Armingo Gusmão iha minute 37.

Notisia Relevante: Maudoko “nakdoko” kontra Gamer

Jornalista : Hortencio Sanchez

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here