Pesoál saúde prepara hela Vasina AstraZeneca hodi iha sentru vasinasaun, kuarta (20/10). Imajen TATOLI/António Gonçalves

BAUCAU, 09 novembru 2021 (TATOLI) – Taxa partisipasaun kampaña vasinasaun AstraZeneca iha munisípiu Baucau dadaun ne’e doze dahuluk atinje ona 80%.

Munisípiu Baucau fahe sentru vasinasaun hamutuk hitu komposta hosi sentru saúde Uailili, sentru saúde Baguia, sentru saúde Bucoli, sentru saúde Laga, Quelicai, Vemasse, Venilale, Ria-mare, Ossoqueli no Hospital Rejionál Eduardo Ximenes (HorEX, sigla Portugés).

Tuir dadus hosi Servisu Saúde Munisípal Baucau loron tersa (09/11) ne’ebé Agência TATOLI asesu, totál alvu ne’ebé iha Baucau hamutuk 73.317, komunidade ne’ebé vasina ona doze dahuluk hamutuk ema 58.304 korresponde ho 80% no doze daruak 47.489 (65%).

Komunidade ne’ebé vasina ona iha sentru saúde Uailili hamutuk 11.787, sentru saúde Baguia 9.189, sentru saúde Bucoli 5.311, sentru saúde Laga 14.318, Quelicai 12.257, Vemasse 5.590, Venilale 14.231, Ria-mare 25.794, Ossoqueli 4.547 no HorEX 1.759 totál 105.793. Enkuantu, komunidade hamutuk 15.013 mak seidauk partisipa kampaña vasinasaun AstraZeneca.

Nune’e bainhira halo komparasaun munisípiu Baucau atinje ona alvu hosi númeru komunidade hamutuk 73.317.

Notísia relevante: Ekipa MTKI tama-sai uma lansa kampaña vasinasaun iha Baucau

Jornalista         : Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here