Vitima ne'ebe ema deskonesidu taa kanek iha suku Triloka-Baucau. imajen/espesial

DILI, 09 novembru 2021 (TATOLI)– Komandu Polísia Nasionál Timor-Leste (PNTL), fó ona orientasaun ba Komandu munsípiu Baucau atu buka tuir suspeitu ne’ebé taa kanek mane ida ho inisiál RMDC iha área Tirilolo hodi kaptura no lori ba prosesa iha Tribunál.

Tuir kronolojia,  kazu ne’e akontese iha segunda (08/11), tuku 10:20, kalan, bainhira vítima ba hola sasan iha kioske, mak ema deskoñesidu tuun hosi motór  hodi taa kanek vítima nia oin laran no halai lakon, iha suku Tirilolo Villa Nova, Postu Administrativu Baucau Villa, Munisípiu Baucau.

“Hosi akontesimentu ne’e rasik rezulta vítima RMDC ho kondisaun grave, daudaun halo hela tratamentu iha ospitál Baucau. Suspeitu sira Polisia Investigasaun Kriminál munisípiu Baucau sei buka tuir hela hodi halo kapturasaun hodi prosesa tuir lei,” Portavóz Komandu Jerál Polisia Nasionál Timor-Leste (PNTL), Superintendente Xefe, Arnaldo de Araújo, hateten ba jornalista-sira iha iha Kuartel Jerál  PNTL,Caicoli, tersa ne’e.

Komandu PNTL orienta intensifika seguransa

Atu evita problema hirak ne’e, Portavóz Komandu Jerál ne’e informa Komandu PNTL fó ona ordem ba Komandu munisípiu sira atu intensifika  seguransa iha komunidade sira nia le’et hodi evita kazu asaltu, taa no oho malu.

“Komandu Jerál orienta ona Komadante Munisípiu sira, primeiru atu hasa’e volume ba patrollamentu la’o ain no ho karreta meui ne’e prevene konflitu iha komunidade nian le’et, tanba dadaun kazu ataka ema ho espontania komesa mosu filafali,” nia akresenta.

Nune’e mós husu ba Ofisiál Polisia Suku (OPS) atu la’o sosializa ba komunidade no joven-sira kona-ba prevensaun konflitu, tanba situsaun sira ne’e akontese, menus hosi ema nia komprensaun.

Jornalista : Natalino Costa

Editór       : Florencio Miranda Ximenes

PUBLISIDADEiklan

1 KOMENTÁRIU

  1. Ko’alia ba koália mai, kazu sira ne’e nia huun loloos maka “Grupu Arte Marsiál” sira. Maibé, problema ne’e sai aat liután tanba Governu rasik la iha seriedade atu rezolve problema ida-ne’e, no buka atu legaliza fali grupu sira-ne’e. Pergunta simples de’it: Será ke Timor-Leste labele moris nu’udar nasaun karik bandu total GAM sira-ne’e?

HAKEREK NO HATÁN

Please enter your comment!
Please enter your name here