Diretòr STAE Covalima, Cláudio Cardoso. Imajen Tatoli/Celestina Teles.

COVALIMA, 09 novembru 2021 (TATOLI)—Sekretáriu Tékniku Administrativu Eleitorál (STAE) Covalima, iha fulan-outubru ne’e rejista eleitór foun iha postu administrativu hitu (7) iha muunisípiu Covalima hamutuk 137.

Notísia Relevante: Setembru, STAE Covalima rejista eleitór foun 265

“Hahú iha fulan Outubru tinan ne’e, ita regista eleitór foun hosi Postu Administrativu 7 Munisípio Covalima hamutuk 137. Hosi númeru ne’e, ita seidauk konta eleitór sira-ne’ebè atualizasaun dadus hanesan troka naran,” Cláudio Cardoso informa ba Agência Tatoli iha nia knaar fatin, tersa ne’e. 

Antes ne’e, STAE Covalima destaka ona funsionáriu sira iha postu administrativu hitu (7) hodi halo atendementu ba sidadaun sira-ne’ebè mak ho idade 16-17 atu bele hetan karta eleitorál, no dadaun ne’e ekipa sira sei kontinua halo atendementu iha postu sira-ne’ebè pesrtense ba munisípiu Covalima. 

Dadus hosi STAE, eleitór foun ne’ebé rejistu iha fulan-outubru hamutuk 137 no hosi númeru ne’e semana primeiru rejista eleitór hamutuk 38, semana daruak 35, semana datoluk 45, semana dahaat eleitór foun hamutuk 22, ne’ebé kompsotu hosi feto 70 no mane 67 la inklui atualiza dadus hanesan hadia naran hamutuk 275. Ho nune’e, dadus provizóriu eleitór sira iha minisípiu Covalima hamutuk 50.395.

Notísia Relevante: STAE Covalima rejista eleitór foun 730

Jornalsita : Celestina Teles

Editór       : Cansio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here